گه‌ڕان

Shadow Shadow
سیاسه‌تی

ڕونکردنەوەى نوێ لەبەغداوە لەبارەى بڕینى بەشێک لە موچەى فەرمانبەران و خانەنشینان

2020.05.03 - 17:45
ڕونکردنەوەى نوێ لەبەغداوە لەبارەى بڕینى بەشێک لە موچەى فەرمانبەران و خانەنشینان

ناس کورد-

ڕاوێژکارى دارایی سەرۆکوەزیرانى عێراق رەتیکردەوە هیچ بڕیارێک درابێت بۆ بڕینى بەشێک لە موچەى فەرمانبەران.

مەزهەر محەمەد ساڵح، ڕاوێژکارى دارایی سەرۆکوەزیرانى عێراق بە ئاژانسى فەرمى عێراقى ڕاگەیاند "ئەو قسانەى کراون لەبارەى دەرچوونى بڕیارى بڕینى رێژەى 25%ى موچەى فەرمانبەران بەهۆى دابەزینى نرخى نەوتەوە راست نین".

 

وتیشى "بڕینى بەشێک لە موچەى فەرمانبەران پێویستى بە بڕیارى ئەنجومەنى وەزیران هەیە، جگە لەوە ناتوانرێت هیچ بڕیارێک لەو بارەیەوە بدرێت".

 

لاى خۆیەوە، ئەحمەد عەبدولجەلیل بەڕێوەبەرى دەستەى خانەنشینان ڕایگەیاند، دەستەکەیان لەبڕیارى بڕینى 12%ى موچەى خانەنشینان ئاگادارنەکراوەتەوە.

 

باسى لەوەشکردووە، دەستەکەیان لیستى موچە ئامادە دەکات و پاش بەردەستبوونى پارە موچەى خانەنشینان خەرج دەکات.

 

ئەوە لەکاتێکدایە پێشتر بەشێک لە دەزگاکانى ڕاگەیاندن باسیان لەوەکردبوو کە حکومەت بڕیاریداوە 12 %ى موچەى ئەم مانگەى خانەنشینان ببڕێت.