گه‌ڕان

Shadow Shadow
سیاسه‌تی

دواى سێ هەفتە کیم جۆنگ ئون دەرکەوتەوە

2020.05.02 - 09:07
دواى سێ هەفتە کیم جۆنگ ئون دەرکەوتەوە

ناس کورد-

ئاژانسى فەرمى کۆریاى باکور ڕایگەیاند، کیم جۆنگ ئون سەرۆکى ئەو وڵاتە ئامادەى مەراسیمى کردنەوەى کارگەیەک بووە لە ناوچەیەکى باکورى پیۆنگ یانگ، ئەوەش یەکەم راپۆرتە لەبارەى چالاکییەکانى لەدواى 11 ى نیسانەوە.

ئاژانسى ڕۆیتەرز بڵاویکردووەتەوە کە نەیتوانیوە بەشێوەیەکى سەربەخۆ ئەو ڕاپۆرتە پشتسڕاستبکاتەوە و لێکۆڵینەوەى لەبارەوە بکات.

 
بەپێی ئاژانسەکەى کۆریاى باکور، کیم شریتى تایبەت بە کردنەوەى کارگەکەى بڕیوە، لەمیانەى مەراسیمێکدا کە رۆژى هەینى بەڕێوەچووە.

 

ئاماژەى بەوەشکردووە، کیم جۆنگ ئون خۆشحاڵى خۆى پیشانداوە بە کردنەوەى ئەو کارگەیە کە پەینى کیمیایی دروستدەکات.

Kim Jong-un pictured by state media opening a fertiliser factory 1 May 2020

بەپێی ئاژانسەکە، ژمارەیەک لە گەورە بەرپرسانى ئەو وڵاتە یاوەرى کیمیان کردووە لەناویاندا كيم يو جونج خوشکە بچوکەکەى.

 

دەنگۆکان لەبارەى تەندروستى کیمەوە سێ هەفتە لەمەوبەر سەریانهەڵدا، دواى ئەوەى ئامادەى ڕێوڕەسمى لەدایکبوونى دامەزرێنەرى وڵاتەکەى نەبوو، لە ناوەڕاستى نیساندا.