گه‌ڕان

Shadow Shadow
سیاسه‌تی

جيابوەوەيەكى كۆرياى باكور: ئەم هەفتەيە مردنى كيم جۆنگ ئون ڕادەگەيەنرێت

2020.05.01 - 22:37
جيابوەوەيەكى كۆرياى باكور: ئەم هەفتەيە مردنى كيم جۆنگ ئون ڕادەگەيەنرێت

ناس کورد-

 

تۆڕى فۆكس نيوزى ئەمريكى ئاشكرايكرد، بەپێى زانياريەكان كە ڕێژەى ڕاستيەكەى 99%یە، كيم جۆنگ ئون، سەرۆکی كۆرياى باكور گيانى لەدەستداوە و دواى تەواوكردنى ئامادەكاريەكان مردنەكەى ڕادەگەيەنرێت، جيابوەوەيەكى كۆرياى باكوريش دەڵێت، ئەم هەفتەيە ڕادەگەيەنرێت.

 

تۆڕى فۆكس نيوز لە ڕاپۆرتێكدا بڵاويكردوەتەوە، بەپێى ئەو زانياريانەى دەستى كەوتوە كيم جۆنگ ئون گيانى لەدەستداوە، زانياريەكانیش 99% ڕاستن.

 

ئەوەشى ڕونكردوەتەوە، دواى ئەوەى ئامادەكاريەكان بۆ ڕاگەياندنى گيانلەدەستدانى تەواو بوو، لەلايەن دەسەڵاتارانى ئەو وڵاتەوە مردنى ڕادەگەيەنرێت.

 

لەلايەكى ترەوە، "جى سۆنگ" كە كەسايەتيەكى جيابوەوەيە لە كۆرياى باكور و لە هاوسێ باشوريەكەى نيشتەجێييە باسى لەوەكردوە، كۆتايى هەفتەى ڕابردوو پێيان ڕاگەياندوە كە كيم جۆنگ ئون مردوە، هەروەها پرسيارى ئەوەيان لا دروست بووە كە كيم دواى نەشتەرگەرى دڵ و ملولەكانى خوێن چەند بەرگە دەگرێت.

 

لەماوەى چەند هەفتەى ڕابردوودا ديارنەمانى كيم جۆنگ ئون بەتايبەتى لە بۆنە نيشتمانيەكانى وڵاتەكەى كە هيچ ساڵێك نەبوە بەشدارى نەكات پرسيار دەربارەى تەندروستى ناوبراو دروست بوو، بەپێى زانياريەكانيش بەهۆى تێكچونى بارودۆخى تەندروستيەوە نەشتەرگەرى بۆ كراوە، بەڵام سەركەوتوو نەبوە.

 

ئەو كەسايەتيە جيابوەوەى كۆرياى باكور پێشى وايە، لەئێستادا كێشەكان ئاڵۆز بوون ئەويش بەهۆى شوێنەگرەوەى كيم جۆنگ ئون، هەروەها لە كۆتايى ئەم هەفتەيە مردنەكەى بەشێوەيەكى فەرمى ڕادەگەيەنرێت.

 

فۆكس نيوز ئەوەشى ڕونكردوەتەوە، وێنەكانى مانگە دەستكردەكان كە لەم دواييانەدا بڵاوكرايەوە تەئكيد دەكەنەوە كە كيم لە ناوچەيەكى گەشتياريە لە كەنارەكانى باكورى ڕۆژهەڵاتى وڵاتەكەى و ناوچەكە بە توندى پاسەوانى دەكرێت.

 

بەڵام پێشتريش يەكێك لە ياريدەدەرەكانى سەرۆكوەزيرانى كۆرياى باشور ئاشكرايكردبوو، پێى وايە كيمى تەمەنى 36 ساڵ زيندوە و تەندروستيەكانى باشيشى هەيە.

 

شۆنگ ئين مون ڕاوێژكارى سياسەتى دەرەوەى سەرۆك وەزيرانى كۆرياى باشور بە تۆڕى فۆكس نيوزى وتوە، كيم لە 13 ى مانگەوە لە ناوچەى گەشتيارى "ونسان"ە و تائێستا جوڵەى گوماناوى لەو ناوچەيە نەبينراوە.