گه‌ڕان

Shadow Shadow
سیاسه‌تی

سەرۆككۆماری عێراق: گرنگە كاندیدی دەستپاك و بەتوانا پێشكەشی كابینە نوێیەكە بكرێت

2020.04.26 - 17:03
سەرۆككۆماری عێراق: گرنگە كاندیدی دەستپاك و بەتوانا پێشكەشی كابینە نوێیەكە بكرێت

ناس کورد- 

سەرۆككۆماری عێراق بەپێویستى دەزانێت، كاندیدی پاك و بەتوانا بۆ بەڕێوەبردن لەكابینەی نوێدا پێشكەش بكرێت و بەگرنگی دەزانێت هەوڵی لایەنە سیاسیەكان بۆ تێپەڕاندنی كابینەی حكومەت یەكبخرێت و مافی سەرجەم پێكهاتەكانیش دەستەبەر بكرێت.

.



لەڕاگەیەنراوێكدا نوسینگەی سەرۆككۆماری عێراق ڕایگەیاند، ئەمڕۆ (یەكشەممە، 26ی نیسانی 2020)، لەكۆشكی سەلام، بەرهەح ساڵح پێشوازی لە ئەرشەد ساڵحی سەرۆكی بەرەی توركمانیی و سەرۆكی لیژنەی مافەكانی مرۆڤ لەپەرلەمانی عێراق كردووە.

.

لەمیانی دیدارەكەدا، سەرۆككۆمار جەختی لە گرنگی یەكخستنی هەوڵی لایەنە سیاسیەكان بۆ یەكلاكردنەوەی پێكهێنانی كابینەى نوێى حکومەتى عێراق كردووەتەوە بە ڕەچاوكردنی مافی سەرجەم پێكهاتەكان و جێبەجێكردنی داواكارییە ڕەواكانیان بۆ چاكسازی.

.

بەرهەم ساڵح بەگرنگیشی زانیوە كاندیدی پاك و بەتوانا پێشكەش بكرێت بۆ بەڕێوەبردنی سەرجەم جومگەكانی دەوڵەت بەسەركەوتوویی.

.

سەرۆككۆمار باسی لە قوربانیەكان كردووە كە لەشەڕی دژی تیرۆردا پێكهاتەی توركمانی پێشكەشی كردووە و هەروەها ڕۆڵیان لە چەسپاندنی پێكەوەژیانی ئاشتیانەدا هەبووە.

.

لایخۆشیەوە و هەر لەمیانی ئەو كۆبونەوەیەدا، ئەرشەد ساڵحی، ئاماژەی بۆ ئەوە كردووە، توركمانەكان سوورن لەسەر بەشداریكردنی كاریگەر لەبەڕێوەبردنی وڵاتدا و پابەندن بەپشتیوانی كردن بۆ یەكخستنی ڕێزەكان لەپێناو پاراستنی بەرژەوەندییە باڵاكانی گەلی عێراقدا.

.