گه‌ڕان

Shadow Shadow
سیاسه‌تی

سبەینێ ئەنجومەنی وەزیرانی هەرێم شەنوکەوی سەردانی شاندەکەى دەکات بۆ بەغدا

2020.04.21 - 22:34
سبەینێ ئەنجومەنی وەزیرانی هەرێم شەنوکەوی سەردانی شاندەکەى دەکات بۆ بەغدا

ناس کورد-

سبەینێ ئەنجومەنی وەزیرانی هەرێم کۆدەبێتەوە و تاوتوێی ئەنجامی کۆبوونەوەکانی دوێنێی شاندەکەی هەرێم لەگەڵ بەرپرسانی بەغدا دەکات، ئەوەش لەکاتێکدا لە بەغداوە هەوڵێک هەیە بۆ بڕینی موچەی فەرمانبەرانی هەرێم.

.

سەمیر هەورامی، وتەبێژی جێگری سەرۆکی حکومەتی هەرێم بە ناس کوردی ڕاگەیاند: "سبەینێ ئەنجومەنی وەزیرانی هەرێم کۆدەبێتەوە و تیایدا گفتوگۆ دەکرێت سەبارەت بە ئەنجامی ئەو کۆبوونەوانەی دوێنێ شاندێکی هەرێم لە بەغدا ئەنجامیدا".

. 

کۆبوونەوەکەی ئەنجومەنی وەزیرانی هەرێم لەسەر ئەو پرسە لەکاتێکدایە، بەگوێرەی نوسراوێک کە بەرواری 16ی ئەم مانگە لە ئەمینداری گشتیی ئەنجومەنی وەزیرانی عێراقەوە ئاڕاستەی وەزارەتی دارایی کراوە، داواکراوە موچەی فەرمانبەرانی هەرێم ڕابگیرێت.

 .

هەر لەوبارەیەوە جەمال کۆچەر، ئەندامی لیژنەی دارایی لە پەرلەمانی عێراق بە ناس کوردی وت، ئەو موچەیەی بۆ فەرمانبەرانی هەرێم دەنێردرێت لە چوارچێوەی بودجەی 2019دایە و هیچ کەس ناتوانێت بیبڕێت.