گەرمیان؛ ئامادەکاری بۆ کردنەوەی دەرگای مزگەوتەکان دەکرێت

ناس کورد-

لە سنوری ئیدارەی گەرمیان ئامادەکاری بۆ کردنەوەی دەرگای مزگەوتەکان دەکرێت و تەندروستیی سنورەکە داوا لە پێشنوێژ و مجێور و کارمەندانی مزگەوتەکان دەکات، بچن پشکنینی کۆرۆنا ئەنجامبدەن.

 .

 

لە ڕاگەیەندراوێکدا بەڕێوەبەرایەتیی گشتیی تەندروستیی گەرمیان ڕایگەیاند: "ئاگاداری سەرجەم پێشنوێز و مجێور و کارمەندانی مزگەوتەکانی سنورەکە دەکەینەوە لە سبەینێ سێشەممە کاتژمێر 9:00وە سەردانی نەخۆشخانەی گشتیی کەلار بکەن بۆ وەرگرتنی نمونەی پشکنینی کۆرۆنا".

  .

ئاماژەی بەوەشکردووە: "ئەو ڕێکارە بەمەبەستی ئامادەکاری پێویستە لە ئەگەری کردنەوەی دەرگای مزگەوتەکاندا".

  .

ئەمە لەکاتێکدایە، لەدوای ڕاگەیاندنی قەدەغەی هاتوچۆ لە هەرێمی کوردستان، دەرگای مزگەوتەکانیش داخران و لەئێستاشدا لەدوای ئەوەی قۆناغ بەقۆناغ ژیان ئاسایی دەکرێتەوە و مانگی ڕەمەزان نزیکدەبێتەوە، هاووڵاتیان داوادەکەن دەرگای مزگەوتەکانیش بکرێنەوە.

 .