گه‌ڕان

Shadow Shadow
سیاسه‌تی

شێخ جەعفەر: ئەگەر بەرپرسیاری هێزە چەكدارەكان گۆڕان بێت بەهیچ شێوەیەك گوێی لێ‌ ناگرم

2019.04.09 - 11:44
App store icon Play store icon Play store icon
شێخ جەعفەر: ئەگەر بەرپرسیاری هێزە چەكدارەكان گۆڕان بێت بەهیچ شێوەیەك گوێی لێ‌ ناگرم

کەناڵی ناس کورد لە تێلیگرام جۆین بکە   

ناس كورد-

بەرپرسی هێزەكانی حەفتای پێشمەرگە لەبڕوابوونی بەوەی كە پارتی و یەكێتی خاوەنی هێزن و هێزی پۆلیس و ئاسایش و پێشمەرگەیان هەیە ئاماژە بەوە دەكات كە ئەو پۆستانەی پەیوەندی بەهێزی چەكدارەوە هەیە دەبێت لەژێر دەسەڵاتی ئەو دوو حزبەدا بێت نەك بزوتنەوەی گۆڕان كە پارتێكە هێزی چەكداری نییە.

لەمیانەی چاوپێكەوتنێكی لەگەڵ دەنگی ئەمریكا، شێخ جەعفەر شێخ مستەفا بەرپرسی هێزەكانی حەفتای پێشمەرگە، وتی "ئێستا لەگۆڕەپانەكەدا پارتی و یەكێتی خاوەنی هێزن (هێزی ئاسایش و پێشمەرگە و پۆلیس) لەبەر ئەوە ئەو پۆستانەی پەیوەندی بەهێزی چەكدارەوەیە یا دەبێت لەژێر دەسەڵاتی پارتی بێت یاخود لەژێر دەسەڵاتی یەكێتیدا بێت، هەم بۆ ڕێكخستنەوەی هێزەكان و یەكخستنەوە و دروستكردنی سوپایەكی پێشمەرگەی یەكگرتوو، ئاسایشی یەكگرتوو، پۆلیسی یەكگرتوومان هەبێت بۆ ئەم هەرێمە تا ئەم هێزانەمان بە یەكگرتووی هەبێت".

لەوەڵامی ئەو پرسیارەی بۆ دەبێت پۆستە پەیوەستەكان بەهێزی چەكدارەوە نەدرێتە بزوتنەوەی گۆڕان، شێخ جەعفەر روونیكردۆتەوە، لەبەر ئەوەی بزوتنەوەی گۆڕان هێزی چەكدارییان نیە.

بەبڕوای بەرپرسی هێزەكانی حەفتای پێشمەرگە، هێزی چەكدار لەلای پارتی و یەكێتیە لەبەر ئەوە دەبێت ئەوان بڕیار بدەن لەسەر هەنگاوەكانی یەكخستنەوە و یەكگرتن.

دەشڵێت "هەتا ئێوارە لایەنێكی تر بێت بڕیار لەسەر هێزی پێشمەرگە و هێزی حەفتا بدات من خۆم یەكێكم لەوانەی گوێی لێ ناگرم".

جەختیشدەكاتەوە، ئەگەر ڕوویدا جێگری سەرۆكی هەرێم ( لەپشكی گۆڕان) ببێتە بەرپرسیاری هێزە چەكدارەكان بەهیچ جۆرێك گوێی لێ ناگرێ‌.