گه‌ڕان

Shadow Shadow
سیاسه‌تی

سێ ڤاكسین دەچنە قۆناغی دووەمەوە

هەوڵەكانی دۆزینەوەی ڤاكسینی كۆرۆنا ئەنجامى باشی بەدەستهێناوە

2020.04.15 - 12:53
هەوڵەكانی دۆزینەوەی ڤاكسینی كۆرۆنا ئەنجامى باشی بەدەستهێناوە
ناس کورد بەگوێرەی زانیارییەكانی ناوەندە پزیشكیەكان، هەوڵەكان بۆ دۆزینەوەی ڤاكسینی دژە كۆرۆنا چەند ئاكامێكی باشی بەدەستهێناوە لە چین و ئەمریكادا و پێدەچێت سێ لەو ڤاكسینانە بچنە قۆناغی دووەمەوە. . وەزارەتی زانست و تەكنەلۆژیای چین ڕایگەیاندووە، كۆمپانیای كانسینۆ بیرلۆجیكس، دەستیكردووە بە تاقیكردنەوەی قۆناغی دووەمی دۆزینەوەی ڤاكسینی دژە كۆرۆنا.   . هەروەها بەپێی تۆڕی فۆكس نیوز ئەمریكی، تاقیكردنەوە سەرەتاییەكان لەئێستادا لەسەر سەلامەتى وەرگرەکان چڕكراونەتەوە، بەڵام پەڕینەوە بۆ قۆناغی دووەم بەهەنگاوی یەكلاكەرەوە دادەنرێت كە دەرفەت بە تاقیكردنەوەی ڤاكسینەكە دەدات بۆ ئەوەی لەسەر چەندین كەس تاقی بكرێتەوە بۆ ئەوەی لەو پەتایە بیانپاریزێت.   . لای خۆشیەوە، ئەنتۆنی فاوسی، بەڕێوەبەری پەیمانگای نەخۆشیە گوازراوەكانی ئەمریكا هیوای خواستووە لە مانگی حوزەیراندا قۆناغی دواتری تاقیكردنەوەی ڤاكسینەكە دەستپێبكات.   . بەمدوایانەش لەلایەن كۆمپانیای ئینۆفیۆ فارماساتیكالزی ئەمریكیەوە دەستكراوە بە تاقیكردنەوەی ڤاكسینی سێیەم و لەسەر چەندین خۆبەخش تاقیكراوەتەوە.   . فاوسی ئاماژەی بەوەکردووە، گەر ڤایرۆسەكە لە وەرزەكانی هاوین و پایزیشدا بەردەوام بێت لەبڵاوبونەوە ئەوا دەكرێت كۆتایی بە توێژینەوەكان بهێنرێت لە نزیكترین كاتدا كە بەلانیكەمەوە  12 بۆ 18 مانگی پێدەچێت و ڕەنگە بگاتە زستانی داهاتوو.   . ئەو بەرپرسە تەندروستیەی ئەمریكا ئەوەشی خستووەتەڕوو، ئەمریكا تائێستا هیچ هەنگاوێكی بۆ دەستپێكردنەوەی چالاكیەكانی ئابوری نیشتیمانی دەستپێنەكردووە و بەڵام چەند پێشبینەكی گەشبینانە لە كۆشكی سپییەوە لەوبارەیەوە لەئارادایە.   . دەشڵێت، پێویستە لەسەریان پشت ببەست بە چارەسەرێكی كاریگەر و هێشتا بەو قۆناغەش نەگەیشتوون.   . پێشتریش ڕێكخراوی تەندروستی جیهانی، 16 تاقیكردنەوەی ڤاكسینی دژە كۆرۆنای لە چەندین وڵاتەوە ڕاگەیاند كە زۆربەیان هێشتا لەقۆناغی یەكەمدان.