گه‌ڕان

Shadow Shadow
سیاسه‌تی

هاوکاریی تیرۆر دەکات لە جیهاندا

كۆشكی سپی سوپای پاسدارانی ئێرانی خستە لیستی تیرۆرەوە

2019.04.08 - 18:30
كۆشكی سپی سوپای پاسدارانی ئێرانی خستە لیستی تیرۆرەوە

ناس كورد-

كۆشكی سپی ئەمریكا  لە بەیاننامەیەكدا سوپای پاسدارانی ئێرانی وەك "ڕێكخراوێكی تیرۆریستی بیانی" ناساند.

لە بەیاننامەكەی كۆشكی سپی ئەمریکادا هاتووە، بۆ یەکەم جارە ئەمریكا سوپای وڵاتێك بە تیرۆریست لە قەڵم بدات، لە بارەی هۆکاری ئەو بڕیارەش ڕایگەیاندووە، "ئێران ئامرازێكی سەرەكییە بۆ جێبەجێكردنی كردەوە تیرۆریستییەكانی لەسەر ئاستی جیهان".

کۆشکی سپی ئەمریکا ئەوەشی ڕاگەیاندووە: "ئەم هەنگاوە لە كاتێكدایە وەزارەتی دەرەوەی وڵاتەكەمان هیچ گومانێكی نییە كە ئێران وڵاتێكە پاڵپشتی تیرۆر دەكات، سوپای پاسدارانیش بەشداری گشت چالاكییە تیرۆریستیەکان دەکات و پارەیان بۆ دانبیندەکات، هەروەها مافی مرۆڤ پێشێل دەکات لە سەرتاسەری جیهان".

لە ساڵی 2018 ئەمریکا بڕیاری کشانەوەی وڵاتەکەی لە ڕێککەوتنی ئەتۆمی ئێران دەرکرد، پاش ئەوە پەیوەندییە ئابورییەکانی نێوان ئەو دوو وڵاتە ئاڵۆزبوونی بە خۆیەوە بینی، پێشتریش بە چەند قۆناغێک، ئەمریکا سزای ئابوری بەسەر ئێراندا ڕاگەیاندبوو.