گه‌ڕان

Shadow Shadow
سیاسه‌تی

سەرمایەدارانی تورکیا متمانەیان بە دراوی وڵاتەکەیان نەماوە

2019.04.05 - 08:25
سەرمایەدارانی تورکیا متمانەیان بە دراوی وڵاتەکەیان نەماوە

ناس کورد-

خراپی بارودۆخی ئابوری وڵاتی توركیا پاڵی بە وەبەرهێنەران و خاوەن سەرمایەكانی ئەو وڵاتە ناوە دراوەكانیان بگۆڕن بۆ دراوی بیانی، بە گوێرەی ئامارێكیش ئەژمارە بانكیەكانی ئەو وڵاتە بە دراوی بیانی ڕوی لە زیادبوونە.

بەگوێرەی ئامارەكانی دەستەی ڕێكخستن و چاودێری بانكەكانی توركیا، ماوەی شەش مانگە كردنەوەی ئەژماری بانكی لە توركیا بە دراوی بیانی ڕوی لە زیادبوون كردووە.

 

هەر بە گوێرەی ئامارەكانی ئەو دەستەیە، لە ماوەی یەك هەفتەی مانگی ڕابردوودا مامەڵەی بانكی لە توركیا كە بە دراوی بیانییەوە كرابێت ڕێژەكەی گەیشتۆتە 3 ملیار و 600 ملیۆن دۆلار، كە كۆی گشتی دراوی بیانی لە بانكەكانی ئەو وڵاتە 209 ملیار و 490 ملیۆن دۆلارە كە بە ژمارەیەكی پێوانەیی دادەنرێت.

 

بەو پێە بوونی پارەی بیانی لە وڵاتی توركیا گەیشتۆتە 53%، کە لە دوای ساڵی 2001 بارودۆخی ئابوری ئەو وڵاتە هێندەی ئێستا بێمتمانەیی لای خاوەن سەرمایەكان دروست نەكردووە بەرامبەر بە لیرەی توركی.