Shadow Shadow

قوباد تاڵەبانی: کورد لە کەرکوک لە دۆخێکى خراپدایە کەچی شەڕەکە لە دانانی پارێزگا و کاندید چڕکراوەتەوە

14:35 دوو شه‌ممه‌ 03 حوزه‌یران 2019
article image

ناس کورد-

قوباد تاڵەبانى ڕایگەیاند، خەڵکی کورد لە کەرکوک و ناوچە دابڕێنراوەكانی تر لە دۆخێکی یەکجار خراپ و دژواردا دەژین و هەست بە ئاسایش و ئارامی ناکەن، کەچی هەموو شەڕەكە لە دانانی پارێزگارێك و كێشەی كاندیدی ئەم پۆستەدا چڕ كراوەتەوە.

قوباد تاڵەبانى لە پەیامێکى بەبۆنەى جەژنی ڕەمەزان ڕایگەیاند، “داوا لە سەرکردایەتی یەكێتی و پارتی دەكەم ئەم جەژنە کە بۆنەیەكی گەورەی لێبوردەیی و گەردن ئازادییە وەک دەرفەتێكیتری خێراو نوێ بڕەخسێنن بۆ پێكهاتن و تێپەڕاندنی تارمایی لێكترازان.”

دەشڵێت، “جەژن دەرفەتێكی زێڕینە بۆ لێبوردەیی و بەرقەراركردنی ئاشتی كۆمەڵایەتی، بەڵام بەداخەوە پەیوەندییەكانی یەكێتی و پارتی بە ئاراستەیەك دەڕۆن خەریكە خۆشی و شادی جەژن لە گەلەكەمان تێكبدەن و نەهێڵن وەك جاران تامی بكات.”

ڕاشیگەیاند، “خەڵكی ئێمە وەڕەس بوون لە ململانێ، بێزارن لە شەڕە قسە و پاڵەوانبازی، یەکێتی و پارتی و حیزبە كوردییەكانیتر شەڕ و ئاشتی، ناكۆكی و كاری پێكەوەییان وەك یەك ئەزموون كردووە، ئیتر دوای ئەم هەموو ساڵە دەبێت لەوە تێگەیشتبێتین كە هێز لە پێكهاتندایە نەک لەشەڕە لێدوان و قوڵکردنی زیاتری ناکۆکییەکان.”

دەقی پەیامەکەى قوباد تاڵەبانى:

كۆمەڵانی خەڵكی كوردستان…

هاتنی جەژنی ڕەمەزان لە هەموو لایەك پیرۆز بێت، جەژن دەرفەتێكی زێڕینە بۆ لێبوردەیی و بەرقەراركردنی ئاشتی كۆمەڵایەتی، بەڵام بەداخەوە پەیوەندییەكانی یەكێتی و پارتی بە ئاراستەیەك دەڕۆن خەریكە خۆشی و شادی جەژن لە گەلەكەمان تێكبدەن و نەهێڵن وەك جاران تامی بكات.

خەڵكی ئێمە وەڕەس بوون لە ململانێ، بێزارن لە شەڕە قسە و پاڵەوانبازی، یەکێتی و پارتی و حیزبە كوردییەكانیتر شەڕ و ئاشتی، ناكۆكی و كاری پێكەوەییان وەك یەك ئەزموون كردووە، ئیتر دوای ئەم هەموو ساڵە دەبێت لەوە تێگەیشتبێتین كە هێز لە پێكهاتندایە نەک لەشەڕە لێدوان و قوڵکردنی زیاتری ناکۆکییەکان.

خەڵکی کورد لە کەرکوک و ناوچە دابڕێنراوەكانیتر لە دۆخێکی یەکجار خراپ و دژواردا دەژین و هەست بە ئاسایش و ئارامی ناکەن، رۆژانە هەراسان دەكرێن و بەرەنگاری توندڕەوی و حوكمی چەك دەبنەوە، کەچی هەموو شەڕەكە لە دانانی پارێزگارێك و كێشەی كاندیدی ئەم پۆستەدا چڕ كراوەتەوە كە بەشێكی بچووكە لە كێشە كەڵەكەبووەكانی ئەو ناوچانە بە درێژایی تەمەنی دەوڵەتی عێراق.

لە سۆنگەی هەست كردنم بە مەترسییەكانی ئەم دۆخە و وەك بەجێهێنانی ئەركی خۆم داوا لە سەرکردایەتی یەكێتی و پارتی دەكەم ئەم جەژنە کە بۆنەیەكی گەورەی لێبوردەیی و گەردن ئازادییە وەک دەرفەتێكیتری خێراو نوێ بڕەخسێنن بۆ پێكهاتن و تێپەڕاندنی تارمایی لێكترازان.

دووبارە جەژن پیرۆز بێت و خۆشی و شادی هەمیشە میوانی ماڵەكانتان بێت.
#ئاشتەوایی
#عيد_الفطر
#Eid_Mubarak

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل