fbpx
Shadow Shadow

ناس کورد ئاشکرای دەکات

نەجمەدین کەریم بۆ هەڵبژاردنی ئەنجومەنی پارێزگای کەرکوک لیستی دەبێت و ئامادەکارییەکانى دەستپێکردووە

13:25 دوو شه‌ممه‌ 29 ته‌موز 2019
article image

ناس کورد

پارێزگاری لەکارلادراوی کەرکوک بۆ هەڵبژاردنی ئەنجومەنی پارێزگاکان کە بڕیارە ساڵی داهاتوو بەڕێوەبچن، لیستی تایبەتی بۆ پارێزگای کەرکوک دەبێت.

.

سەرچاوەیەکی ئاگادار بە ناس کوردی ڕاگەیاند، نەجمەدین کەریم پارێزگاری لەکارلادراوی کەرکوک دەستی بە ئامادەکارییەکان بۆ دروستکردنی لیستەکە کردووە.

لەوبارەوە نەشوان جەلال، بەڕێوەبەری نوسینگەی نەجمەدین کەریم زانیارییەکانی بۆ ناس کورد پشتڕاستکردەوە و ڕایگەیاند: ” دروستکردنی لیستەکە ئامادەکاری بۆ کراوە، دکتۆر نەجمەدین لە ماوەی ڕابردوودا ژمارەیەک کۆبوونەوە و چاوپێکەوتنی لەگەڵ کەسایەتییەکان و پێکهاتەکانی شارەکە ئەنجامداوە.”

.

نەشوان جەلال ئاماژەی بەوەشدا، لە ئێستادا چاوەڕێی ئەوە دەکەن ڕێنماییەکان لەلایەن کۆمسیۆنی هەڵبژاردنەکانی عێراقەوە سەبارەت بە تۆمارکردنی قەوارە سیاسیەکان دەربکرێت بۆ ئەوەی بە شێوەیەکی یاسایی لیستەکە تۆماربکەن.

.

ئەمە لە کاتێکدایە پێشتر نەجمەدین کەریم ژمارەیەک تۆمەتی جیاوازی ڕووبەڕوو کرایەوە و لە سەر ئەو تۆمەتانەش ماوەی مانگێک لە لوبنان لە لایەن پۆلیسی ئینتەرپوڵی وڵاتانی عەرەبییەوە ڕاگیرا.

نەجمەدین کەریم بۆ هەڵبژاردنی ئەنجومەنی پارێزگای کەرکوک لیستی دەبێت و ئامادەکارییەکانى دەستپێکردووە

لەسەر ئەو تۆمەتانەی ڕووبەڕووی کراونەتەوە، بەرێوەبەری نوسینگەکەی نەجمەدین کەریم وتی: “ئەو کەیسانەی پێى تومەتبارکراوە  کاریگەری نابێت لەسەر بەشداریکردنی لە هەڵبژاردنەکان، چونکە کەیسەکان شەخسی نین و لە ماوەیەکی نزیکیشدا یەکلایی دەکرێنەوە و چارەسەر دەکرێن.”

.

هەفتەی ڕابردوو پەرلەمانی عێراق هەمواری یاسای هەڵبژاردنی ئەنجوومەنی پارێزگاکانی پەسەند کرد و تێیدا 1ی نیسانی 2020ی وەک ڕۆژی هەڵبژاردنی ئەنجوومەنی پارێزگاکان دیارییکرد.

.

بەپێی یاسای هەڵبژاردنەکان، سیستمی سانت لیگۆ بۆ دابەشکردنی کورسییەکان پەیڕەو دەکرێت کە ئەوە لایەنە کوردییەکانی نیگەران کردووە و ترسی ئەوەیان هەیە دەنگێکی زۆری کوردانی پارێزگاکە بە فیڕۆ بڕوات.

.

لەوبارەوە شیروان میرزا، پەرلەمانتاری عێراق لە فراکسیۆنی یەکێتی بە ناس کوردی وت:” هەر لایەنێک لە دەرەوی ڕێککەوتنی کورد بەشداری لە هەڵبژاردنەکانی ئەنجومەنی پارێزگاکان بکات لە کەرکوک کاریگەری خراپی دەبێت لە سەر دۆزی کورد لەو شارە”.

.

وتیشی: “لیستەکەی نەجمەدین کەریم لێدانە لە  پێگە و شوناسی نیشتمانی کورد لە کەرکوک.”

.”نەجمەدین کەریم بۆ هەڵبژاردنی ئەنجومەنی پارێزگای کەرکوک لیستی دەبێت و ئامادەکارییەکانى دەستپێکردووە

نەجمەدین کەریم لە ساڵی 2011 تا 2017 پارێزگاری کەرکووک بوو، دواتر لە لایەن پەرلەمانی عێراقەوە لە پۆستی پارێزگاری دوور خرایەوە هاوکات تا پێش ڕووداوەکانی 16ی ئۆکتۆبەر ئەندامی مەکتەبی سیاسی یەکێتی بوو، بەڵام دوای ڕووداوەکانی کەرکووک دەستی لە پۆستە حزبییەکەی کێشایەوە و ئێستا بەوە تۆمەتبار دەکرێت لە پارتی دیموکراتی کوردستان نزیک بووەتەوە.

 

 

 

 

 

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل