fbpx
Shadow Shadow

هەسەدە دوو گوندى کۆنتڕۆڵکردەوە

60 چەکدار کوژران و 14 زرێپۆش و ئۆتۆمبێلى سەربازى تێکشکێنران

21:53 سێ شه‌ممه‌ 15 تشرینی یه‌كه‌م 2019
article image

ناس کورد –

 

شەڕڤانانى هەسەدە بەرەنگارى سەختى هێرشەکانى تورکیا بوونەتەوە و هێرشەکانیان لەچەند قۆڵێکەوە تێکشکاندووە و دوو گوندیان لەسنورى تلتەمر کۆنتڕۆڵکردەوە.

.

بەپێی میدیاکانى ڕۆژئاواى کوردستان، سوپای تورکیا و گروپە چەکدارە هاوپەیمانەکانى، ئێوارەی ئەمڕۆ، لە قۆڵی عەین عیسا و ناوچەی چەلەبی هێرشیان کردووە، شەڕڤانانی هێزەکانی سوریای دیموکراتیش هێرشەکەیان تێکشکاند.

.

ئاماژە بەوەشکراوە، لە قۆڵی چەلەبی، شەڕڤانانی هێزەکانی سوریای دیموکرات، کاروانێکی تورکیایان بە ئامانج گرتووە، لە ئەنجامدا ئۆتۆمبیلێکی زرێپۆش بە تەواوی تێکشکێندرا و یەکێکی دیکەش گورزی بەرکەوتووە.

.

لە گوندەکانی دەوروبەری ناوچەی چەلەبی، شەڕ لەنێوان شەڕڤانانی هێزەکانی سوریای دیموکرات و سوپای تورکیا بەردەوامە.

.

میدیاکانى ڕۆژئاوا باسیان لەوەشکردووە، شەڕڤانان هەردوو گوندى عالیە و ئەربەعینیان لە خۆرئاواى تلتەمر کۆنتڕۆڵکردووەتەوە و 60 چەکداریان کوشتووە و حەوت زرێپۆش و حەوت ئۆتۆمبێلى سەربازییان تێکشکاندووە و دەستیشیان بەسەر زرێپۆشێکى دیکەدا گرتووە.

.

هاوکات ئەمڕۆ، سێ‌شەممە، 15ی تشرینی یەکەمی 2019،  ناوەندی ڕاگەیاندنی هێزەکانی سوریای دیموکرات- هەسەدە، ڕایگەیاندووە، لە هەموو ئەو شەڕانەی دوێنێ ڕوویانداوە 103 چەکداری سوپای تورکیا کوژراون و دەیان چەکداریش برینداربوون، دوو تانک، سێ زرێپۆش و دوو ئۆتۆمبێلی دۆشکا لەسەریش تێکشکێندراون، 23 شەڕڤانیش شەهیدبوون و 39 شەڕڤانی دیکەش برینداربوون.

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل