fbpx
Shadow Shadow

کەسوکاری قوربانی ئەنفال حکومەت بە تاوانبار دەزانن

“423 تۆمەتبار تا ئێستا دەستگرنەکراون”

23:16 پێنج شه‌ممه‌ 11 نیسان 2019
article image

ناس کورد-

کەسوکاری قوربانیانی ئەنفال داوا لە حکومەت دەکەن تاوانبارانی ئەو کەیسە سزابدرێن و ئەوەش ڕادەگەیەنن، لە 20/5/2007 بە فەرمی بڕیاری دەستگیرکردنی 423 تۆمەتباری کەیسی ئەنفال لەلایەن دادگای باڵای تاوانەکانەوە دەرچووە، بەڵام تا ئێستا هیچ کام لەو تۆمەتبارانە دەستگیر نەکراوون.

بەشێک لە کەسوکاری ئەنفالکراوان و چالاکوانان لە کۆنگرەیەکی ڕۆژنامەوانیدا لە هەولێر، ڕەخنەیان لە حکومەتی هەرێم گرت، ڕایانگەیاند، حکومەتی هەرێم کەمتەرخەم بووە لە بەسزاگەیاندنی تاوانبارانی کەیسی ئەنفال و داوایان کرد بەزووترین کات تاوانباران دادگایی بکرێن.
لەو کۆنگرەیەدا کەسوکاری ئەنفالکراوان و چالاکوانان ئاماژەیان بەوەکرد، لە 20/5/2007 لە لایەن دادگای باڵای تاوانەکانی عێراقەوە بە فەرمی بڕیاری دەستگیرکردنی 423 تۆمەتباری کەیسی ئەنفال دەرچووە، بەڵام تا ئێستا هیچ کام لەو تۆمەتبارانە دەستگیر نەکراون.

کۆمەڵکوژی ئەنفال لە ساڵی 1986 دەستی پێکرد و لە 1989 کۆتایی هات، تیایدا نزیکەی 182 هەزار کەس لە ژن و منداڵ و کوڕ و کچی گەنجی کورد لەناوبران و بێسەروشوێن کران و زیندە بەچاڵ کران، ساڵانەش لە 14ی نیسان ئەو یادە دەکرێتەوە و لەو ڕۆژەدا کەسوکاری قوربانیانی ئەنفال برینەکانیان تازە دەبێتەوە، وەک خۆیان دەڵێن “تا تاوانبارانی ئەو کەیسە سزا نەدرێن برینەکانیان ساڕێژ نابێت”.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل