fbpx
Shadow Shadow

23 تۆمەتبار لە هەولێر دەستگیرکران “چواریان هاوسەر و باوک و براى خۆیان کوشتووە”

12:14 چوار شه‌ممه‌ 06 تشرینی دووه‌م 2019
article image

ناس کورد-

 

پۆلیسى هەولێر دەستگیرکردنى 23 تۆمەتبارى ڕاگەیاند، کە چواریان هاوسەر و باوک و براى خۆیان کوشتووە.

.

عەبدولخالق تەڵعەت بەڕێوەبەرى پۆلیسى هەولێر لە کۆنگرەیەکى ڕۆژنامەنوسیدا ڕایگەیاند، 23 تۆمەتبار لەسەر 15 تاوانى جیاجیا لەلایەن هێزەکانى پۆلیسەوە دەستگیرکراون و لە ئێستادا لە زینداندان، چەند کەسێکیشیان لەسەر کوژرانى کەسە نزیکەکانیان دەستگیرکراون.

.

وتیشى تۆمەتبار (س.ش.ح)، تەمەن (34 ساڵ)، پیشە کاسب بە تۆمەتى کوشتنى براکەی لە ڕۆژى 15/10/2015 بە ناوی (عزالدین شمس الدین حسین) لەسەر کێشەیەکی کۆمەڵایەتی دەستگیرکراوە، تۆمەتبار(هـ.و.ت)، تەمەن (26 ساڵ)، پیشە کاسب، لەسەر کوشتنی خێزانی خۆی بە ناوی (ژاکاو جەمیل تاج الدین) دەستگیرکراوە.

.

عەبدولخالق تەڵعەت باسى لەوەشکرد، هەروەها تۆمەتبار (ڕ.ی.ع)، تەمەن (27 ساڵ)، پیشە کاسب لە ڕێکەوتی (6/10/2019) هەڵساوە بە کوشتنی باوکی خۆی بە ناوی (یونس عمر قادر) لە بنەسڵاوە بە پێی ماددە 406 دەستگیرکراوە.

.

ئەوەشى خستەڕوو، تۆمەتبارێکى دیکە بەناوى (ی.س.ع) بەتۆمەتى کوشتنی خێزانی خۆی بە ناوی (گەلاوێژ لقمان) لە گەڕەکی بەهاری نوێ لە ڕێکەوتی (18/6/2019) دەستگیرکراوە.

 

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل