Shadow Shadow

"زۆربەیان هەڵگری نەخۆشین و کێشەی کۆمەڵایەتیان دروستکردووە"

22هەزار کرێکاری بیانی لە هەرێمی کوردستان کار دەکەن

08:57 شه‌ممه‌ 16 ئادار 2019
article image

ناس کورد- هەڤاڵ فەتاح

لە هەرێمی کوردستان ژمارەی کرێکارە بیانییەکان 22هەزار کرێکارن، ڕێکخراوی داکۆکی لە مافی کرێکارانی بیانیش ڕایدەگەیەنێت یاسایەک بۆ ڕێکخستنی کاری کرێکارە بیانییەکان نیە و زۆربەیان بە نایاسایی کاردەکەن.

حەمە هەژار سەرۆكی ڕێكخراوی داكۆكی لە مافی كرێكارە بیانییەكان تایبەت بە ناس كورد-ی  ڕاگەیاند: “حكومەتی هەرێمی كوردستان تائێستا داتایەكی تەواوی نییە لەسەر ژمارەی ئەو كرێكارە  بیانییان، بە گویرەی داتاکانی ئێمە، پێش قەیرانی دارایی ژمارەیان لە سەروی 27هەزار كرێكارەوە بون، بەڵام بە هۆی قەیرانی داراییەوە، ڕێژەكە نزم بۆتەوە بۆ 22هەزار كرێكار.

لە بارەی یاسایی بوونی کاری ئەو کرێکارە بیانییانە، حەمە هەژار ئاماژە بەوەدەکات، ڕێژەیەكی كەمی ئەو كرێكارانە، یاسایین ئەوانەش لە لایەن 150  كۆمپانیا هێنراون.

سەرۆکی ڕێکخراوی داکۆکی لە مافی کرێکارە بیانییەکان ئەوەشی ئاشکراکرد: “هیچ یاسایەك لە هەرێم نیە بۆ ڕێكخستنی كاری ئەو كرێكارانە، لەبەر ئەوە توشی گرفتی زۆر بوونەتەوە، چونكە زۆربەیان شارەزای زمانی کوردی و یاساكانی هەرێم، تەنانەت لە ڕووی دابوونەریتەوە هیچ شارەزاییەكیان نییە، زۆربەیان هەڵگری نەخۆشین و دەیان كێشەی كۆمەڵایەتیان دروستكردوە”.

22هەزار کرێکاری بیانی لە هەرێمی کوردستان کار دەکەن

“تێكەڵبوونێكی زۆر هەیە لە نێوان بڕیارەكانی وەزارتی ناوخۆی هەرێم و وەزارتی كاروكاروباری كۆمەلایەتی، ناوخۆ مۆڵەتی داوە كرێكاری بیانی دوو ساڵ لە هەرێم بمێنێتەوە، بەڵام وەزارتی كاروباری كۆمەڵایەتی نۆ ساڵ مۆڵەتی مانەوەی پێداون” هەمە هەژار وادەڵێت.

هێنانی كرێكاری بیانی بە هۆكاری بەدەستهێنانی پارەیەکی زۆر دەزانرێت بۆ هەندێک “لایەن و بەرپرس” حکومەتیش باجێكی زۆری خستۆتە سەریان لە كاتی نوێ نەکردنەوەی نیشتەجێبوونەکانیان، کە بۆ هەر ڕۆژێك دواكەوتن 20هەزار دینار سزا دەدرێن.

بە وتەکانی حەمە هەژار، کرێکارە بیانییەکان خەڵکی باشوری خۆرهەڵاتی ئاسیا، کەنداو ئەفریقان.

 

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل