‎گەرمیان؛ هاوڵاتییەکى تەمەن 58 ساڵ خۆى هەڵواسى و گیانى لەدەستدا

ناس کورد-

وتەبێژى پۆلیسى گەرمیان، گیانلەدەستدانى هاووڵاتییەکى تەمەن 58 ساڵى بەهۆى خۆ هەڵواسینەوە راگەیاند و دۆسیە بۆ رووداوەکە کراوەتەوە و دەستکراوە بە لێکۆڵینەوە.

.

مقەدەمی مافپەروەر علی جەمال قدوری، وتەبێژى پۆلیسى گەرمیان، رایگەیاند “نیوەڕۆی ئەمڕۆ (شەممە، 3ى ئابى 2019) لەگەڕەکی سەرکەوتنی قەزای کەلارەوە هاوڵاتیەک هێنرایە بەشی فریاکەوتنی شەهید هەژار”.

.

وتیشى، هاووڵاتییەکە بەهۆی خنکانەوە گیانی لەدەستدابوو بەوتەی کەسوکارەکەی  ناوى (حەسەن محەمەد عەلی)یە و لەدایکبووی ساڵى  1961 و نیوەڕۆی ئەمڕۆ کە بەتەنها لەماڵەوە بووە  خۆی هەڵواسیوە و گیانی لەدەستداوە.

.

مقەدەمی مافپەروەر علی جەمال قدوری، وتەبێژى پۆلیسى گەرمیان، روونیکردەوە “لەئێستادا تەرمەکەی ڕەوانەی پزیشکی دادوەری کەلار کراوە و پۆلیسیش دەستی بەلێکۆڵینەوە کردوە لەسەر چۆنێتی و هۆکاری ڕوداوەکە “.

.