Shadow Shadow

یەکەم کاروانی حاجیانی هەرێم گەیشتنەوە سلێمانی

08:57 شه‌ممه‌ 17 ئاب 2019
article image

ناس کورد

لەڕێگای فڕۆکەخانەی نێودەوڵەتی سلێمانییەوە یەکەمین کاروانی حاجیانی کورد گەڕانەوە هەرێمی کوردستان.

.

بەیانی ئەمڕۆ شەممە 17ی ئابی 2019،  کاتژمێر 8:55 خولەک یەکەم کاروانی حاجیانی هەرێمی کوردستان، دوای زیاتر لە 40 ڕۆژ مانەوەیان لە وڵاتی سعودیە گەڕانەوە هەرێم.

.

پەیامنێری ناس کورد، لە فرۆکەخانەی سلێمانییەوە کە ڕووماڵی گەڕانەوەی حاجیانی دەکرد ڕایگەیاند، سەرجەم حاجیەکان دانیشتووی سنوری سلێمانی و دەوروبەرین، تەندروستییان باشە.

.

ئەحمەد مستەفا پەیامنێری ناس کورد رایگەیاند “لەم کاروانەی حاجیاندا  376 حاجی گەڕاونەتەوە و بڕیارە لە ڕۆژانی داهاتوشدا گەڕانەوە حاجیانی دیکەی هەرێم بەردەوام بێت”.

.

بەپێی زانیارییەکانی ناس کورد هەر ئەمڕۆ شەممە كاتژمێر 6:30ی ئێواره‌ دووه‌مین کاروانی حاجیانی هەرێم لە ڕێگای فڕۆکەخانەی نێودەوڵەتی هەولێرەوە کە ژماره‌یان 417 حاجییە دەگەنەوە خاکی هەرێمی کوردستان.

.

لە وەرزەی ئەمساڵی حەجدا، نزیکەی دوو ملیۆن و 500 هەزار کەس لەسەرتاسەری جیهانەوە بەشداربوون و نزیکەی 56 هەزار کەسیان لە عێراقەوە بوون، هەروەها حەوت هەزار و 130 کەسیش لە هەرێمی کوردستانەوە بە مەبەستى بەجێگەیاندنى حەج سەردانی سعوودییەیان کردبوو.

.

سلێمانی- گەیشتنەوەی یەکەم کاروانی حاجیان

Gepostet von NAS – KURD am Freitag, 16. August 2019

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل