Shadow Shadow

یەکەم هەڵوێستی پارتی لەدوای دروستکردنی لیستى هاوبەشی حزبە کوردستانییەکانى کەرکوک

13:28 دوو شه‌ممه‌ 09 ئه‌یلول 2019
article image

ناس کورد-

ئەمڕۆ دووشەممە، 9ى ئەیلولی 2019،  لایەنە کوردستانییەکانی کەرکوک بەبێ بەشداری پارتی لەسەر پرسی هەڵبژاردنەکانی ئەنجومەنی پارێزگاکان لە کەرکوک کۆبوونەوە و ڕێککەوتن لەسەر دروستکردنی یەک لیستى هاوبەش، سەرکرادیەتییەکی پارتیش دەڵێت، ئەوان لەگەڵ یەکڕیزین لە کەرکوک.

عەدنان کەرکوکی، ئەندامی ئەنجومەنی سەرکرادیەتی پارتی دیموکراتی کوردستان تایبەت بە ناس کوردی ڕاگەیاند: “بەشدارینەکردنمان لە کۆبوونەوەکەی ئەمڕۆی لایەنە کوردستانییەکان بە هۆی ئەوەوە بوو کە کۆبوونەوەکە لە شاری کەرکوک ئەنجامدرا، ئەگەر لە شوێنێکی دیکە بووایە ئەوبە دڵنیاییەوە بەشداریمان تێدا دەکرد”.

یەکەم هەڵوێستی پارتی لەدوای دروستکردنی لیستى هاوبەشی حزبە کوردستانییەکانى کەرکوک

وتیشی، لە ئێستادا ئێمە چاوەڕێی ئەنجامی تانەکان دەکەین لە یاسای هەڵبژاردنەکان، چونکە یاسای هەڵبژاردنی هەموارکراوی ئەنجوومەنی پارێزگاکانی عێراق بە هیچ جۆرێک لە بەرژەوەندی کورد نیە لە ناوچە کوردستانییەکانی دەرەوەی هەرێم.

سەرکردایەتییەکی پارتی جەختی لەوەشکردوە، پرسی کەرکوک پرسێکی نەتەوەییە و دەبێت هەموو لایەن کوردستانییەکان هەڵوێستی سیاسی ڕوونیان لەسەر هەبێت، دەبێت هەمووان هاوڕابن لە سەربەشداریکردن یاخود بایکۆتکردنی هەڵبژاردنەکان.

یەکەم هەڵوێستی پارتی لەدوای دروستکردنی لیستى هاوبەشی حزبە کوردستانییەکانى کەرکوک

ئاماژەی بەوەشکرد، پارتی هیچ گرفتێکی نییە لەگەڵ لە بەشداریکردن بە یەک لیست لە هەڵبژاردنەکانی داهاتوودا، بەڵام پێش ئەوە دەبێت ئەنجامی تانەکان یەکلایی بێتەوە بۆ ئەوەی بڕیاری سیاسی خۆمان بدین.

عەدنان کەرکوک وتیشی، یاسای هەڵبژاردنەکە جۆرێک لە دووفاقی تێدایە و بە پیلانیشی وەسفکرد دژ بە کورد، ئاماژەى بەوەشکرد، “خێرە تورکمانەکان و عەرەبەکان لە ئێستادا لەگەڵ ئەنجامدانی هەڵبژاردنن لە کاتێکدا ئەوان لە ساڵی 2005ەوە بەردەوام دژ بە ئەنجامدانیبوون.

.

“ئەگەر چەند خاڵێک لە یاسای هەڵبژاردنەکە هەموار نەکرێتەو ئەو کورد زەرمەندی سەرەکی دەبێت لە کەرکوک، چونکە لە ئێستادا زیاتر لە 60 هەزار دەنگدەری کورد بەهۆی ڕووداوەکانی 16ی ئۆکتۆبەرەوە کەرکوکیان بە جێهێشتووە تائێستا نەگەراونەتەوە شارەکە، بەگوێرەی یاساکەش ئەگەر نەگەرێنەوە بۆ کەرکوک ئەوە مافی دەنگدانیان نابێت و ڕێگەشیان پێنادرێت لە کوردستان دەنگ بدەن، ئەوەش پێچەوانەی هەڵبژاردنەکانی ساڵی ڕابردووە” عەدنان کەرکوکی وای وت.

.

جەختیکردەوە کە خاڵێکی دیکەی یاسای هەڵبژاردنەکانی ئەنجوومەنی پارێزگاکانی هەموارکراو لە بەرژەوەندی کوردا نییە، بەگوێرەی یاسایی کۆمسیۆن هەڵبژاردنەکانی عێراق  وادەی وردبینیکردن و نوێیکردنەوەی ناوی دەنگدەران دەبێت بەردەوام بێت تا مانگی کانوونی دووەمی 2020، بەڵام بە گوێرەی یاسای هەموارکراوە ئەنجوومەنی پارێزگاکان دەبێت پێش مانگی نیسانی 2020 نوێکردنەوەی تۆماری دەنگدەران کۆتایی بێت ئەوەش خاڵێکی دیکەیە کە لە بەرژەوەندی کورد نییە.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل