fbpx
Shadow Shadow

باسی لە مەترسیداری دۆخەکە کردووەتەوە

یەکەم دەرکەوتنی دوای هێرشی سەر باڵیۆزخانە.. باڵیۆزی ئەمریکا و عەبدولمەهدی کۆبوونەوە

20:03 دوو شه‌ممه‌ 06 كانونی دووه‌م 2020
article image

ناس کورد-

لە یەکەم دەرکەوتنیدا لەدوای هێرشکردنەسەر باڵێۆزخانەى ئەمریکا، عادل عەبدولمەهدی، سەرۆکوەزیرانی کاربەڕێکەری عێراق و ماسیۆ تۆلەر، باڵێۆزی ئەمریکا لە بەغدا کۆبوونەوە.

.

بەپێی ڕاگەیەنراوی نوسینگەى ڕاگەیاندنی سەرۆکوزیرانی عێراق، لە کۆبوونەوەى ئەمرۆ دووشەممە، 6ی کانونی دووەمی 2020، عادل عەبدولمەهدی ئاماژەى بەوەکردووە کە “سەرۆکوەزیرانی کاربەڕێکەر لەگەڵ باڵیۆزی ئەمریکا لە بەغدا تاوتوێی دواین ڕووداوەکان و هەڵوێستی حکومەتی عێراقیان کردووە لەبارەیانەوە”.

.

ڕاگەیەنراوەکە دەشڵێت کە عادل عەبدولمەهدی جەختیکردووەتەوە لەسەر “پێویستی کاری هاوبەش بۆ کشانەوەى هێزە بیانییەکان بەپێی بڕیاری دوێنێی پەرلەمانی عێراق و ڕێکخستنەوەى پەیوەندییەکانی هەردوولا لەسەر بناغەیەکی دروست،” هاوکات باسی لە “مەترسیداری دۆخی ئێستا و ئەگەر و پێشهاتەکان کردووە و ئامادەیی عێراقیشی دەربڕیوە بۆ هەوڵەکانی ڕێگریکردنی لە بەرپابوونی جەنگ”.

.

ڕونیکردووەتەوە کە “سەرۆکى ئەنجومەنی وەزیران ئاماژەى بە جێگیری هەڵوێستی حکومەت کردووەتەوە بۆ دروستکردنی پەیوەندی لەگەڵ هەمووان و بەکارهێنانی هێزی حکومەتى عێراق بۆ بەرژەوەندی گشتی”، هەروەها دەبێت “پەیوەندییەکان لەسەر بنەمای هەماهەنگی و ڕێزی دوولایەنە بێت و ئاسایش و سەقامگیر و سەروەری نیشتمانی بپارێزرێت.”

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل