fbpx
Shadow Shadow

یەکێتی: هەنگاوی داهاتوومان بەندە بە هەڵوێستى پارتییەوە و پەراوێزخستن قبوڵ ناکەین

11:59 دوو شه‌ممه‌ 03 حوزه‌یران 2019
article image

ناس کورد-

وتەبێژی یەکێتى ڕایگەیاند، هەنگاوی داهاتوو حزبەکەى بەندە بە هەڵوێستى پارتی و یەکێتیش پەراوێزخستن قبوڵ ناکات.

لەتیف شێخ عومەر، وتەبێژی یەکێتی نیشتمانی کوردستان بە میدیای حزبەکەى وت، “یەکێتی هەردەم جەخت لە گفتوگۆ دەکاتەوە و هەنگاوی داهاتووی یەکێتیش بەندە بە هەڵوێستی پارتی دیموکراتی کوردستان و پابەندبوون بە ڕێککەوتنی نێوان هەردوولا.”

.

ڕاشیگەیاند، “هیوادارین پارتی واز لە سیاسەتی پەراوێزخستن بهێنێت و یەکێتی وەک حزبی تر نییە و پەراوێزخستن قبووڵ ناکات.”

لەبارەی پرسی کەرکوک و دانانی پارێزگاری شارەکە، لەتیف شێخ عومەر وتی، “پارتی رێگربوو لە دانانی پارێزگارێکی کورد بۆ کەرکوک و یەکێتیش مافی خۆیەتی پارێزگار دیاری بکات.”

.

ڕاشیگەیاند، دەبێت پارتی دیموکراتی کوردستان نیازپاکییەک لەو بارەیەوە نیشان بدات و دان بە ئیستیحقاقی یەکێتیدا بنێت لە کەرکوک.

وتیشى، “ئەگەر هەنگاو بە ئاڕاستەی ئاساییکردنەوەی رەوشی کەرکوک بنرێت، ئەوا یەکێتی ئامادەیە رێککەوتنەکان وەک خۆیان جێبەجێ بکات.”

ئاماژەى بەوەشکرد، ڕێککەوتن بۆ جێبەجێکردنە نەک بۆ سەر کاغەز، ئەگەر پارتی پابەندی ڕێککەوتنەکە نەبێت، ئەوا یەکێتیش ناتوانێت پابەند بێت پێوەی.”

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل