fbpx
Shadow Shadow

"ئەمڕۆ یەکێتی و پارتی لە هەولێر کۆدەبنەوە"

یەکێتی ناوی ژمارەیەک کاندیدی نوێی پارێزگاری کەرکوک، بۆ پارتی پێشنیاز دەکات

09:27 یه‌ك شه‌ممه‌ 09 حوزه‌یران 2019
article image

ناس کورد

بڕیارە ئەمڕۆ پارتی و یەکێتی لە ئاستی باڵا لەسەر پرسی هەنگاوەکانی پێکهێنانی حکومەت و پۆستی پارێزگاری کەرکوک کۆبنەوە و یەکێتی ناوی چەند کاندیدی دیکە بۆ پارتی پێشنیاز بکات.

.

ئەمڕۆ یەکشەممە 9ی حوزەیرانی 2019 ئارێز عەبدوڵلا ئەندامی سەرکردایەتی یەکێتی نیشتیمانی بە ناس کوردی ڕاگەیاند یەکێتی بە مەبەستی چارەسەرکردنی کێشە هەڵپەسێردراوەکانی لەگەڵ پارتی لەسەر دۆسیەی پارێزگاری کەرکوک زیاد لە دوو ناو بۆ پارتی پێشنیاز دەکات.

.

ئارێز عەبدوڵلا ئەوەی ئاشکراکرد لەو ناوانەی ئەمڕۆ دەخرێنە بەردەست پارتی، خالید شوانی پەرلەمانتاری پێشوی پەرلەمانی عێراق لە فراکسیۆنی یەکێتی.

.

هاوکات بەپێی زانیارییەکان لیوا جەمال تاهێر بەڕێوەبەری پێشوی پۆلیسی کەرکوک یەکێکی تر دەبێت لەو کەسانەی بۆ پۆستەکە پێشنیاز دەکرێت.

.

پێشتر ناس کورد بڵاویکردەوە، هەریەکە کاکە ڕەش سدیق، ئەحمەد عەسکەری ئەندامانی ئەنجومەنی پارێزگای کەرکوک و ڕەوەند مەلا مەحمود جێگری لێپرسراوی مەڵبەندی یەکێتی لەکەرکوک لەلایەن یەکێتیەوە پێشنیاز کراون بۆ پۆستی پارێزگاری کەرکوک بەڵام پارتی هەرسێ ناوەکەی ڕەتکردوەتەوە.

.

ئارێز عەبدوڵڵا ئاماژەی بەوەشدا ئەگەر پێویست بکات لەدوای کۆبوونەوەی هاوبەشی پارتی و یەکێتی، مەکتەبی سیاسی یەکێتی کۆبێتەوە.

.

ئەمە لەکاتێکدایە بڕیارە سبەی دووشەممە 10ی  حوزەیران پەرلەمانی کوردستان کۆبێتەوە و تێیدا مەراسیمی سوێند خواردنی سەرۆکی نوێی هەرێم و ڕاسپاردنی سەرۆکی حکومەت بەرێوەبچێت و تا ئێستا یەکلانەبوەتەوە یەکێتی بەشداری کۆبوونەوەکە دەکات یان نا.

.

 

 

 

 

 

 

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل