fbpx
Shadow Shadow

یاساناسێکى عێراق: حکومەتى کاربەڕێکەرى ئێستاى عێراق ناتوانێت هیچ ڕێککەوتنێک واژۆ بکات

12:00 هه‌ینی 06 کانونی یەکەم 2019
article image

ناس کورد-

پسپۆڕێکى ناسراوى یاسایى عێراقى بەمیدیاکانى عێراقى ڕاگەیاند، حکومەتى کاربەڕێکەرى ئێستاى عێراق ناتوانێت هیچ ڕێککەوتنێک واژۆ بکات و گەر کارى وەهاش بکات ئەوا پێچەوانەى یاسایە و سزاى لەسەرە.

.

عەلى تەمیمى یاساناسى دیارى عێراقى دەڵێت:”ئەو ڕێککەوتنانەى کە کابینەکەى عەبدولمەهدى ئەنجامیداوە دواى ئەوەى بووە بە حکومەتى کاربەڕێکەر بە بێ بنەماو پوچەڵ دادەنرێت و مایەى تانە لێدانە لەدادگاى کارگێڕى”.

.

پسپۆڕە یاساییەکە ئەو ڕێکەوتنانەى کە حکومەتى کاربەڕێکەرى عێراق ئەنجامیداوە بە (ئینتحال) وەسفى دەکات واتا گواستنەوەى دەسەڵاتێک بەبێ ئەوەى لەسنورى دەسەڵاتى ئەودا بێت و پێشیوایە ئەو کارە بەپێى ياساى 160ى ساڵى 1983 سزاکەى 10 ساڵ زیندانیکردنە.

.

عەلى تەمیمى جەختى لەوە کردەوە، هەر وەزیرێک لەو جۆرە گریبەست و رێککەوتنەى کردبێت هەروەها سەرۆک وەزیرانیش بە بەشداربوو لەو سەرپێچییە هەژماردەکرێت و بەپێى مادەى47 و 48 و 49ى یاساى سزاکان، لێپرسینەوەیان لێدەکرێت.

.

پێشتریش چەند پەرلەمانتارێکى عێراق جەختیان لەوە کردەوە، ڕێککەوتنەکەى عێراق و هەرێمى کوردستان بنەماى یاسایى نیە چونکە حکومەتى کاربەڕێکەر ناتوانێت ئەو ڕێککەوتنانە ئەنجام بدات و هەڕەشەى ئەوەشیان کرد لەپەرلەمانەوە ئەو ڕێککەوتنە کە لەسەر پڕۆژە یاساى بودجەى ساڵى داهاتوو لەنێوان هەرێم و عێراقدا کراوە و هێشتا واژۆ نەکراوە، هەڵدەوەشێننەوە.

.

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل