Shadow Shadow

گەنجینەى سلێمانى: دابەشکردنی موچە ڕاگیرا و ناشزانرێت کەی دەستپێدەکاتەوە

15:34 سێ شه‌ممه‌ 20 ئاب 2019
article image

ناس کورد-

 

وەزارەتی دارایی حکومەتی هەرێمى کوردستان، بەهۆکارێکى نادیار دابەشکردنى موچەى راگرت لەکاتێکدا بڕیاربوو ئەمڕۆ (سێشەممە) مووچەى وەزارەتێک، بدرێت.

.

حەسەن ڕەشید، بەڕێوەبەری گەنجینەی یەکی سلێمانی بە ناس کوردی ڕاگەیاند: ” هەرچەندە دوێنێ موچەی وەزارەتی داد دابەشکرا، بەڵام ئەمڕۆ سێشەممە بەهۆکارێکی نادیار دابەشکردنی موچە ڕاگیرا”.

.

وتیشی، تائێستا لە وەزارەتی داراییەوە هیچ ڕێنماییەکیان بۆ نەچووە و نازانن کەی دەست بە دابەشکردنی موچە دەکرێتەوە.

.

هاوکات بەپێی هەندێک زانیاری حکومەتی هەرێم پارەی پێویستی لەبەر دەستدا نییە بۆ دابەشکردنی موچە و چاوەڕوانی ناردنی پارەکەی بەغدا دەکەن.

.

جەمال کۆچەر، ئەندامی لیژنەی دارایی لە پەرلەمانی عێراق بە ناس کوردی ڕاگەیاند:”لە بەغداوە هیچ کێشەیەک دروست نەبووە بۆ ناردنی موچە و بەشێوەیەکی گشتی وەزارەتی دارایی عێراق لە 18 بۆ 25ی هەموو مانگێک موچەی وەزارەتەکان و هەرێمەکان دەنێرێت”.

.

ئەو ئەندامەی لیژنەی دارایی لە پەرلەمانی عێراق ئاماژەی بەوەشکرد، ئێستا 20ی مانگە و بەدڵنیاییەوە تاوەکو 25ی مانگ پارەکەی بەغدا دەگاتە هەرێم.

.

سەبارەت بەو پرسە ناس کورد چەند جارێک پەیوەندیکرد بە وەزیرى دارایى و وتەبێژى وەزارەتى داراییەوە، بەڵام هیچ کامیان وەڵامی پەیوەندییەکانیان نەدایەوە.

.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل