fbpx
Shadow Shadow

کەربەلا.. بەهۆی تەقینەوەیەکەوە 11 کەس کوژران

22:46 هه‌ینی 20 ئه‌یلول 2019
article image

ناس کورد –

 

لە بازگەیەكی نێوان بابل – كەربەلا بۆمبێك بە پاسێكی نەفەرهەڵگردا تەقییەوە و بەهۆیەوە 11 کەس کوژران و دوو کەسى دیکەش برینداربوون.

.

مازن غەزالی بەرپرسی ڕاگەیاندنی فەرماندەیی ژوری ئۆپەراسیۆنەکانی ناوەڕاستی فوڕات بە ناس کوردی ڕاگەیاندووە “ئێوارەی ئەمڕۆ هەینی 20ی ئەیلولی 2019، تەقینەوەیەک لەناو پاسێکی کیای نەفەر هەڵگردا لەڕێگای نێوان بابل و کەربەلا ڕویداوە”.

.

هاوکات، وەزارەتی تەندروستی عێراق رایگەیاندووە، بەهۆی ئەو تەقینەوەیەوە 11 کەس گیانیان لەدەستداوە و دوو کەسیش برینداربوون.

.

مازن غەزالی ئاماژەی بەوەدا “تەقینەوەکە لە نزیک بازگەی ژمارە 54ی چونە ناو شاری کەربەلا ڕویداوە و هێشتا ڕون نەبوەتەوە کە ئەو تەقینەوەیەی ڕویداوە بەهۆی چییەوە بووە، چونکە ئەگەری هەیە بەهۆی بوونى مینەوە بوبێت لەناو پاسەکە یاخود ئاگرگرتنی خەزانی بەنزینی پاسەکەوە بوبێت”.

.

وتیشى “لێکۆڵینەوە لە ڕوداوەکە بەردەوامە و تیمەکانى بەڵگە و تاوان چوونەتە شوێنی ڕوداوەکە و لێکۆڵینەوە دەربارەی هۆکارەکەى بەردوامە”.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل