fbpx
Shadow Shadow

کۆچی بەکارهێنەرانی هەرێمی کوردستان بۆ تویتەر (تایبەت)

16:59 شه‌ممه‌ 09 تشرینی دووه‌م 2019
article image

ناس کورد-

لەئێستادا کە بەکارهێنانی تۆڕە کۆمەڵایەتییەکان لە جیهاندا گەیشتووەتە لوتکە، ئامانج و مەبەستی بەکارهێنان لە گەل و وڵاتێکەوە بۆ ئەویتر جیاوازە، هەمەڕەنگی تۆڕە کۆمەڵایەتییەکانیش بووەتەهۆی جیاوازی ئاستی بەکارهێنانیان لە شوێنێکەوە بۆ شوێنێکی تر، لە ئەمساڵدا بە تایبەت لە چەند مانگی ڕابردوودا، خەڵکی هەرێمی کوردستان بەرەو تویتەر کۆچیان کردووە.

.

بەپێی بەدواداچوونێکی ناس کورد، زیادبوونی بەکارهێنەرانی کوردی تویتەر له‌دواى چه‌ند ڕوداوێكه‌وه‌ بە ڕوونی هەستی پێدەکرێت و فراوان بووە بە تایبەت دوای لەشکرکێشی تورکیا بۆسەر ڕۆژئاوا.

.

تایبەتمەندی و جۆر و ناوەڕۆکی پۆستەکانى تویتەر لە فه‌یسبوك جیاوازتره‌، له ‌تویته‌ر نابێت پۆستەکە درێژتر بێت لە 280 پیت، دەتوانیت وێنە و ڤیدیۆ دابگریت، به ‌شێوه‌یه‌كى گشتى په‌یامه‌كان له تویتەر كورت و پوختن.

 

بەپێی داتای ماڵپەڕە شیکارییەکان بۆ تۆڕە کۆمەڵایەتییەکان، دووان لەو پێنج تویتەرانەى عێراق کە لە مانگی ڕابردوودا زۆرترین شوێنکەوتوویان (فۆلۆوەرز) هەبووە کوردن کە ئەوانیش مەسعود بارزانی، سەرۆکى پارتی دیموکراتی کوردستان و بەرهەم ساڵح، سەرۆک کۆماری عێراقن.

.کۆچی بەکارهێنەرانی هەرێمی کوردستان بۆ تویتەر (تایبەت)

ناس کورد داتای تویتەری یەکێک لە میدیا بەناوبانگەکانى هەرێمی کوردستانی وەرگرت وەک نمونە، بەپێی داتاکان، لە سێ مانگی ڕابردوودا، واتە لە مانگی ئابەوە بۆ کۆتایی تشرینی یەکەم، بە بەردەوامی ژمارەى شوێنکەوتووانی زیاد دەکات.

.کۆچی بەکارهێنەرانی هەرێمی کوردستان بۆ تویتەر (تایبەت)

ناس کورد نمونەی چەند تویتەرێکی تری کوردی وەرگرت هەمان ئەنجامی دەستکەوت بە ڕەچاوکردنی کەم و زۆری ژمارەى شوێنکەوتووان.

.

زەردەشت عەزیز، شارەزای ئای تی بە ناس کوردی وت، “لەم چەند مانگەی ڕابردوودا زیادبوونی بەکارهێنەرانی کورد لە تویتەر ڕوون و بەرچاوە، هۆکارەکەشی دەگەڕێتەوە بۆ کورتی و پوختی لە گەیاندنی پەیامدا.”

.

لە دواى ده‌ستپێكردنه‌وه‌ى لەشکرکێشی توركیا بۆسه‌ر ڕۆژئاواى كوردستان ڕێژەکە زۆر بەرزبووەتەوە به ‌جۆرێك ئه‌گه‌ر پێشتر ته‌نها سیاسی و نوسه‌رانى ناودار و زمانزانەکان تویتەریان هەبووبێت، له‌ئێستادا زۆربه‌ى ئه‌وانه‌ى فه‌یسبوك و تۆڕه‌كانى تریش به‌كارده‌هێنن به‌ره‌و تویته‌ر كۆچیان كردووه‌، بەجۆرێک تویتەر بووە ‌كه‌ناڵێكى گرنك بۆ وەرگرتنی زانیاری دەستى یەک و گەیاندنی پەیام و لۆبیكردن بۆ بابەتە نیشتمانییەکان، وێنه‌ و گرته‌ى ڤیدیۆى لەشکرکێشیی تورکیا تویته‌رى ته‌نى بوو.

.

هەر بەپێی به‌دواداچوونه‌كانى ناس كورد، هۆكارى په‌نابردنى بەکارهێنەری كورد بۆ تویته‌ر و كۆچكردن بۆ ئه‌و په‌ناگه‌یه‌ بۆ چه‌ند خاڵێك دەگەڕێتەوە كه‌ دیارترینینان ئەمانەن:

.

یه‌كه‌م: لە تویتەر پەیامەکان خێراتر و زووتر دەگەنە جیهان و سەرکردەکان، زۆربه‌ى ده‌سه‌ڵاتدارانى جیهان له‌وانه‌ سه‌رۆكى وڵاتانى زلهێز و خاوه‌ن لۆبى گه‌وره‌ له ‌تویته‌ردا کاران، بۆ نمونە لە ڕۆژی دەستبەکاربوونییەوە تائێستا وەک سەرۆکى ئەمریکا، دۆناڵد تڕه‌مپ 11 هەزار تویتی کردووە کە زۆرجار بڕیار و هەڵوێستی فەرمی خۆی و ئەمریکا بوون.

.

دووەم: تویتەر تۆڕێکی کەمتر خێزانی و هاوڕێیەتیی و نامەگۆڕینەوەیە، پەیامەکان کورتن و خوێنەر ماندوو ناکەن.

.

سێیه‌م: تویتەر كێشه‌ى هەواڵ و زانیاری ساختەی كه‌متره‌ بەراورد بە تۆڕە کۆمەڵایەتییەکانی تر، بەکارهێنان و دۆزینەوەی زانیارییەکان تێیدا ئاسانترە.

.

چواره‌م: هه‌موو ده‌زگا و میدیا و ناوەندە فه‌رمییه‌كان تویته‌ریان هه‌یه‌ و ڕاگەیەنراو و هەڵوێستی فه‌رمى و چالاكیه‌ گرنگه‌كانیان یه‌كه‌مجار له‌وێوه‌ بڵاوده‌كه‌نه‌وه‌.

.

پێنجه‌م: خوێنه‌ر ده‌یه‌وێت له ‌ده‌ستى یه‌كه‌مه‌وه‌ بگاته‌ سه‌رچاوه‌ى زانیارییه‌كان و دروستكردنى په‌یوه‌ندیه‌كان له‌گه‌ڵ كه‌سایه‌تییه‌ گرنگه‌ ناوخۆیى و ناوچه‌یی و جیهانییه‌كان.

.

شەشەم: زۆربەى کەمپینە جیهانییەکان لە تویتەرەوە دەگوازرێنەوە و هاندانیان بۆ دەکرێن چونکە ئاسانتر دەگاتە شوێنی مەبەست.

.

ڕۆژنامەنوس هیوا عوسمان پێی وایە دەبێت خەڵکی زیاتر تویتەر بەکاربهێنن چونکە سەکۆیەکی زیاتر جدییە و پەیام و پۆستەکانی ڕوون و پوختر دەگەن.

.

ئەو دەڵێت، لەو ڕێگەیەوە بەکارهێنەرانی کورد ئاسانتر دەستیان بە کەسایەتی و شوێنەکان دەگات بۆئەوەى دەنگی خۆیان بگەیەنن.

.

دواى دوو ساڵ له‌ دامه‌زراندنى كۆمپانیاى فه‌یسبوك له 2004دا، جاك دورسى و نوح گڵاس و چەند هاوڕێیەکیان له‌ ساڵى 2006 تۆڕى کۆمەڵایەتى تویتەریان دامەزراند، بە خێرایی تۆڕەکە گەورە بوو و ژمارەی بەکارهێنەرانی لە ساڵى 2012دا گه‌یشته‌ 100 ملیۆن، لەئێستاشدا مانگانە 325 ملیۆن بەکارهێنەری چالاکی هەیە و ڕۆژانەش 400 ملیۆن تویتی تێدا دەکرێت.

.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل