Shadow Shadow

کۆنتڕۆڵی کارەبای هەرێم لە ناس کوردەوە وادەی پێدانی کارەبا لە ڕۆژانی جەژندا ئاشکرا دەکات

11:26 شه‌ممه‌ 10 ئاب 2019
article image

ناس کورد-

بەڕێوەبەری کۆنتڕۆڵی کارەبای هەرێم ڕایگەیاند،  “لە ڕۆژانی جەژندا پێدانی کارەبا زیاتر دەبێت و نزیکەى 17 بۆ 18 کاتژمێر کارەبا دەدرێتە هاوڵاتیان”.

ئەمڕۆ شەممە، 10ی ئابی 2019، ئومێد محه‌مه‌د، به‌ڕێوه‌به‌ری گشتیی كۆنتڕۆڵ و گه‌یاندنی كاره‌بای هه‌رێمی كوردستان لەڕێگای  ناس کوردەوە ڕونکردنەوەیەکی دەربارەی پێدانی کارەبا لە ڕۆژانی جەژنی قورباندا بڵاوکردەوە.

.

ئومێد محه‌ممه‌د بە ناس کوردی ڕاگەیاند، “ئێمە وەکو پلانمان داڕشتوە بۆ پێدانی کارەبا لە مانگی ئابدا و بەپێی پلانەکانی خۆمان ڕۆژی 15 بۆ 16 کاتژمێر دەتوانین کارەبای نیشتیمانی بدەین و ڕیژەی پێدانی کارەبای نیشتیمانی لەوە نە زیاتر نە کەمتر نابێت”.

ئومێد محه‌ممه‌د ئاماژەی بەوەدا “بۆ ڕۆژانی جەژن بەهۆی ئەوەی کە وەزارەت و بەڕیوبەرایەتییەکانی حکومەتی هەرێم و کۆمپانیا و کارگە پیشەسازییەکان دادەخرین بڕێک کارەبا دەگەڕێتەوە بۆمان و لۆد کەمتر دەبێتەوە لەسەرمان، بۆیە ئیمە لەو ڕۆژانەدا ئەو بڕە کارەبا زیادەیە کە دەگەڕێتەوە بۆمان دەیدەینەوە بە هاوڵاتیان کە بەهۆیەوە کاتژمێرێکی تەواو کارەبا زیاتر دەکات”.

.

ئومێد محەمەد وتیشی “لە ڕۆژانی جەژندا 17 بۆ 18 کاتژمێر دەتوانین کارەبا بدەین و ئەو ماوەیەی دیکەش لەلایەن مۆلیدە ئەهلییەکانی گەڕەکانەوە کارەبا دابین دەکرێت و هاوڵاتیان بۆ چەند خولەکێکیش بێ کارەبا نابن”.

ڕاشیگەیاند، “لە مانگی ڕابردوودا سه‌ره‌ڕای به‌رزی پله‌كانی گه‌رما توانراوه‌ 16 كاتژمێر كاره‌بای نیشتمانی بدرێتە هاوڵاتییان و هەموو هەوڵێکی خۆشمان دەدەین کە لە مانگەکانی داهاتودا پێدانی کارەبا زیاتر بکەن”.

لەگەڵ بەرزبوونەوەی پلەكانی گەرما خواستی بەكارهێنانی كارەبا لەلایەن هاوڵاتیانەوە زیادی كردووە كه‌ ئێستا گه‌یشتووه‌ته‌ نزیكه‌ی پێنج هەزار مێگاوات، لەكاتێكدا وەزارەتی كارەبا لە توانایدایە سێ هەزار و 500 مێگاوات كارەبا بەرهەم بهێنێت.

 

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل