Shadow Shadow

مەرجەکان چین؟

کۆمەڵێک مەرج بۆ توندووتۆڵی ئۆتۆمبێل زیاد دەکرێت

10:38 چوار شه‌ممه‌ 03 ته‌موز 2019
article image

ناس کورد-

بەپێی بڕیارێکى نوێی وەزارەتی ناوخۆ، لە سەرەتای ساڵی داهاتوەوە، پێویستە پشکنینی سیستەمی ئێرباگ و پشتێنی سەلامەتی بکرێتە یەکێک لە مەرجەکانی توندووتۆڵی ئۆتۆمبێل.

.

بەپێی ڕاگەیاندراوێکی دیوانی وەزارەتی ناوخۆ، لە کۆبوونەوەی دیوانی وەزارەتی ناوخۆدا، هەندێک بڕیاری تایبەت بە پشکنینی سەلامەتی ئۆتۆمبێل دراوە کە لەسەرەتاى ساڵى داهاتووەوە دەچنە بوارى جێبەجێکردنەوە.

.

بەپێی بڕیارە نوێیەکانی وەزارەتی ناوخۆ، لە بەرواری 1ی کانونی دووەمی 2020ەوە، پێویستە پشکنینی سیستەمی ئێرباگ و پشتێنی سەلامەتی، بکرێتە یەکێک لە مەرجەکانی توندوتۆڵی ئۆتۆمبێل و دەبێت کۆمپانیاکانی پشکنینی ئۆتۆمبێل تا ئەو بەروارە ئەو سیستەمە ئامادە بکەن.

.

لە ڕاگەیەندراوەکەی وەزارەتی ناوخۆدا ئەوەش هاتووە، هەرکۆمپانیایەک ئەو بڕیارە پەیرەو نەکات، یان بڕوانامەی پشکنین بدات بە ئۆتۆمبێلێک کە کار بە سیستەمی ئیرباگ و پشتێنی سەلامەتی نەکات، بۆ هەر حالەتێک بڕی 15 ملیۆن دینار سزا دەدرێت، ئەگەر ئەو سەرپێچییە دووبارە بووەوە ئەوا مۆڵەتەکەی هەڵدەوەشێتەوە و بەیەکجاری دادەخرێت.

.

پشکنینی داخستنى بۆنیت و سندوقى ئۆتۆمبێل، مەرجێکى دیکەى زیادکراوە بۆ پشکنینی ئۆتۆمبێل.

.

.

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل