fbpx
Shadow Shadow

سیاسه‌تی

کۆرۆنا گەیشتە کەرکوک “چوار حاڵەت تۆمارکران”

12:31 سێ شه‌ممه‌ 25 شوبات 2020
article image

ناس کورد-

 

وەزارەتى تەندروستى عێراق تۆمارکردنى چوار حاڵەتى توشبوونى بە ڤایرۆسى کۆرۆنا لە کەرکوک ڕاگەیاند.

.

وەزارەتەکە ئەمڕۆ (سێشه‌ممه‌)  له‌ راگه‌یه‌ندراوێكدا ئاشكرای كرد، چوار حاڵەتى نوێی توشبوون بە ڤایرۆسى کۆرۆنا لە عێراق تۆمارکراون، دواى ئەوەى دوێنێ یەکەم حاڵەت تۆمارکرا.

.

ئاماژەى بەوەشکرد، هەر چوار کەسەکە دانیشتووى پارێزگاى کەرکوکن، لە یەک خێزانن و سەردانى ئێرانیان کردووە و گەڕاونەتەوە عێراق.

.

وەزارەتى تەندروستى عێراق جەختیکردەوە، خێزانەکە لە شوێنێکى تایبەت لەژێر چاودێرى وردى تەندروستیدا هێڵراونەتەوە و پشکنینیان بۆ کراوە و دەرکەوتووە کە توشى ڤایرۆسى کۆرۆنا بوون.

.

تا ئێستا پێنج حاڵەتى توشبون بە ڤایرۆسى کۆرۆنا لە عێراق تۆمارکراون، کە یەکێکیان لە نەجەف و ئەوانەى دیکەش لە کەرکوکن.

.

هەر پێنج توشبووەکە لە ئێرانەوە گەڕاونەتەوە عێراق و ئێستا لەشوێنى تایبەت هێڵراونەتەوە و چارەسەر وەردەگرن.

.

توشبووەکەى نەجەف گەنجێکى تەمەن 22 ساڵە و خوێندکارى حەوزەى ئاینى نەجەف بووە، 10 کەسی دیکەشى لەگەڵدا بووە و لە شوێنى تایبەت هێڵراونەتەوە.

.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل