Shadow Shadow

کۆتایی دەوڵەتی خەلافەت

22:16 پێنج شه‌ممه‌ 21 ئادار 2019
article image

 

ئەگەر سەرەتای سەدەی بیست و یەک  بۆ وڵاتانی ئەمریکاو ئەوروپا سەدەی پێشکەوتنی پیشەسازی و تەکنەلۆجیای نوێی سەربازی و ئەلیکترۆنی بێت ئەوا بۆ وڵاتانی عەرەبیش دیاردەوڕووداووی نوێی تیا دەردەکەوێت، لەوانەش بەهاری ‌‌‌عەرەبی،چەقبەستوویی وکۆنی بەڕێوەبردن و کلتورو ئایدیا،دۆخی ئابوری ناجێگیرودابەزینی داهاتی تاکەکەس لەکۆی هەمووئەمانە خۆپیشاندانی مەدەنی لێ  کەوتەوەو دواتریش هەنگاوی بۆجووڵەی سیاسی وڕێکخراونا،بزوتنەوە جەماوەریەکان ئەگەر خۆڕسکیش نەبن بەڵام هۆکار وسەرهەڵدانی لۆژیکی تەواویان هەبوو،وێڕای گوشارهێنان بۆیان وداپڵۆسین وهێرش بۆ کپکردنەوەیان بەڵام قەبارەی نارەزایەتیەکان تادەهات زیادی دەکرد وپەرەی دەسەند،دوای ژان ولێکەوتەی خۆپیشاندانەکان کە دەتوانین بڵێین وابەستەی هیچ چوارچێوەیەکی حزبی نەبوون وئامانجەکانیان فرە لایەن بووە کەئەگەر بەدیدێکی گشتی سەیری ڕوداوەکان بکەین لەهەمووئەم وڵاتانەی وەک (تونس،میسر،لیبیا،‌مەغریب،جەزائیر،سوریا،ئوردون،یەمەن،سعودیە،عێراق،تورکیا،ئێران) کە دۆخیان ڕوولەگۆڕانکاری بووئەوابەهەموویان نەوەیەکیان بەناوی (داعش) (دولە الاسلامیە فی العراق و الشام) ەوەخستەوە کە مەبەست لێی دوورخستنەوەی مەترسی  تیرۆربوولەخۆیان، لەسەرەتای سەرهەڵدانی شەڕلە2011 لە سوریا شانەی جۆراوجۆری ئیسلامی تیرۆرست وڕادیکاڵ بوونیان زۆربوو کە دواجار ڕەهەندی نیودەوڵەتیان وەرگرت و زلهێزەکانی وەک ئەمریکا وروسیا هاتنە سەرهێڵ وهاوکاری ئەم گرووپە تیرۆرستیانەیان  کردو بەکاریان هێنان بۆ پاراستنی بەرژەوەندی خۆیان،ئەمەجگەلەوەی کە (داعش) بەفەرمی لەلایەن وڵاتانی (قەتەر،سعودیە،تورکیا،ئێران،ئیسرائیل) وەهاوکاری ماددی ومە‌ ‌عنەی کران….(پێگەی ویکی پیدیا)

 

جگە لە داگیرکردنی زۆربەی خاکی سوریابەتایبەت باکوری خۆرهەڵاتی سوریا هێرشیان کردەسەرخاکی ‌‌عێراق و لە10-6-2014دا گەورەترین شاری سونە نشینی عێراق کە موسڵ بوو داگیر کرد،لە 11-6-2014 دووهەم شاری تری سوننە نشینی عیراق کە تکریت بوو داگیرکرد لە، 29-6-2014 (ابراهیم عواد ابراهیم) کەخۆی وەک خەلیفەی داعش ناساند لە موسڵ دەوڵەتی خەلافەتی راگەیاند وزۆربەی سەرۆک هۆزە سونیەکان بەیعەتیان پێدا،شایانی ووتنە ئەگەر پاڵپشتی هێزی پێشمەرگەنەبوایە بێگومان باشوری کوردستانیش تووشی نەهامەتی و ووێرانبوون دەبوەوە،بەڵام لەسەردەستی هێزی پێشمەرگەی قارەمانی کوردستاندا تێکیان شکاندن وبەخوێنی زیاترلە(1800)شەهیدی فەرماندەوپێشمەرگە خەڵکی کوردستان وئەزموونی حوکومڕانی وحکومەتی کوردستانیشیان پاراست، ‌‌ دوای دوومانگ لە گرتنی ئەوشاروناوچانە  لە 7-8-2014 باراک ئۆباما ی سەرۆکی ئەمریکا بۆی دەرکەوت کە داعش خەریکە دەبێتە هێزێکی گەورەو دواجار ڕەنگە کۆنترۆڵکردنی ئاسان نەبێت هەربۆیە ڕایگەیاند کەبەفرۆکە هێرش بکرێتە سەریان و لەناویان ببەن،لە2015دا هاوزەمان لەگەڵ ئەم ڕوداوانەدا سوپای فاشیزمی تورکیاش بەپشتیوانی گروپە تیرۆرستیەکانی بەرە ی  نەسرەو ئەحرارئەلشام و……هتدبە سەرپەرشتی ئەردۆ‌غان خۆی هێرشی زۆریان بۆکوبانی کردوداگیریان کرد،بەڵام دوای 133 ڕۆژ بەپشتیوانی هێزی ئاسمانی هاوپەیمانان وهێزی پیادەی شەرڤانان وپشتیوانی پێشمەرگەوگەریلاش لە21-1-2015دا ڕزگارکرا،  

 

دوای ڕزگار کردنی موسڵ لە 26-6-2017 دائیتر داعش گڵۆڵەی کەوتە لێژی  و وەرزی داڕمان وڕاونانیان گەرمتربوو، وێڕای بەردەوامی وبەرەنگاریان لەزۆربەی ئەوشوێنانەی کە شەڕلەدژیان دەکرا تەنانەت لە 21-12-2017دا سەرکردەی فەیلەقی قودسی ئێران (قاسم سلیمانی)نامەیەک بۆ علی خامنەیی دەنێرێت ودەڵێت (داعش کۆتایی هات)، (داعش) لەتەواوی بیری توندڕەوی وسەلەفی وئیخوانی دروستکراوە و بێ لێکۆڵینەوە ئەم شوێنەیان بۆ دەستنیشان نەکراوە کە تەشەنەی تیابکەن،ئەوانەی کە لێکۆڵینەوەیان لەم ژینگەیە کردوە کە داعش باشترتیایدا تەشەنە دەکات دەیانزانی کە لە رۆژهەڵاتی ناوەراستدا لە عیراق وسوریا  باشتر هیچ پێگەیەک نیە کە ئامانجە سیاسیەکانی ئەوانی باشتر تیا بێتەدی،بێگومان داگیرکردنی عەفرینیش لە 18-3-2018دالەلایەن سوپای فاشیزمی تورکیاوگروپەتیرۆرستیەکانی سەربەتورکیا دوای59 ڕۆژبەرەنگاری شەرڤانان هەر پەیوەندی بەم بابەتەوە هەیەویەک بابەتن ،لۆژیکی وەرگرتنی ئەم ڤاکسینەهەر ڕۆژهەڵاتی ناوەراستەوتایبەت تریش عێراق وسوریا کەبێگومان تورکیا و ئێرانیش هەم لە دامەزرێنەرانی دا‌‌عش بوون هەم لە‌‌م شانۆگەریەش سوود مەندبوون،ئێستا کە بەکۆتایی دەوڵەتی خەلافەت وتەخەلوف ناودەبرێت پرسیارەکە ئەوەیە ئایا عەقڵیەتی دا‌عشیش کۆتایی هاتوە؟! بێگومان نەخێر چونکە هەم بەرژەوەندی زلهێزەکان لەناوچە کەدا هەیە وهەم بەردەوام تەوژمی ململانێی سوننەو شیعە لەلایەک ولەلایەکی ترەوە ئێران و ئیسرائیل بەردەوام هەرەشە لە یەکتری دەکەن،بەهەمووپێوەرێک  دەوڵەتی خەلافەت لەکۆتایی نزیک بونەتەوە و کۆتامەنزڵ و مۆڵگەیان (باغوز) ی خۆرئاوای کوردستان بوو کە لەسەردەستی شێرەکچانی کورد ڕزگارکرا،پێویستەبڵێین هێزی پێشمەرگەو شەرڤانان لە شەڕی دژی داعشدا مێژوویەکی پڕسە روەریان بۆ کوردو کوردستان وکۆی مرۆڤایەتیش تۆمارکردوە لەبری جیهان شەڕی تیرۆریزمی جیهانیان کردوە.

 

 کە کورد چ لە خۆرئاوای کوردستان و چ  لە باشوور  زیانی گەورەی بەرکەوت لەم جەنگەدا، هیوادارین لە کۆتایی جەنگی دەوڵەتی خەلافەتدا و لە چنینەوەی بەرهەمی ئەم جەنگە دا پێگەی کورد لەخۆرئاواوباشوریش بەهێزتربێت ومافی خوێنی شەهیدانی تیا بەفیڕۆ نەچێت.

وشە كلیلەكان:

Do NOT follow this link or you will be banned from the site!
عاجل عاجل