fbpx
Shadow Shadow

ناس کورد ناوەڕۆکەکەى ئاشکرا دەکات

کۆبوونەوەیەکی فراوان و گرنگ لە هەولێر بەڕێوەدەچێت

10:30 سێ شه‌ممه‌ 05 تشرینی دووه‌م 2019
article image

ناس کورد- شەهرام عەزیز

سەرۆککۆماری عێراق لە شاری هەولێرە و بڕیارە کۆبوونەوەیەک لەگەڵ سێ سەرۆکایەتییەکەی هەرێم و کەسی یەکەمی لایەنە سیاسییەکانی هەرێم بکات، ڕاوێژکارێکیشی دەڵێت “باس لە هەندێک مەترسی هەموارکردنەوەی دەستور کراوە بۆ سەر کورد، لە کۆبوونەوەکەدا ئەو پرسە تاوتوێ دەکرێت”.

.

بڕیارە کاتژمێر 11:00ی پێشنیوەڕۆی ئەمڕۆ (سێشەممە)، بەرهەم ساڵح، سەرۆککۆماری عێراق کۆبوونەوەیەک لەگەڵ سێ سەرۆکایەتییەکەی هەرێم وکەسی یەکەمی لایەنەکانی هەرێم بکات و تاوتوێی هەندێک دۆخی گرنگی عێراق و پەیوەست بە هەرێم بکرێت.

.

هاوژین عومەر، ڕاوێژکاری سەرۆککۆماری عێراق بە ناس کوردی ڕاگەیاند: “کۆبوونەوەکە بە دیاریکراوی تایبەتە بەو دۆخەی لە عێراق هاتووەتە ئاراوە بەتایبەت پرسی هەموارکردنەوەی دەستور”.

.

ئەو ڕاوێژکارەی سەرۆککۆمار ئاماژەی بەوەشکرد، دوای ئەوەی باس لە هەندێک ترسی کورد دەکرێت لە هەموارکردنەوەی دەستور و بارەگای بارزانیش ڕاگەیەنراوێکی بڵاوکردبووەوە لەو بارەیەوە، سەرۆککۆمار دەیەوێت لەڕێگەی ئەو کۆبوونەوەیەوە بەرچاوڕوونی هەموارکردنەوەکە بە هەرێم بدات و لە وردەکارییەکەی ئاگادارییان بکاتەوە.

.

روونیکردەوە، سەرۆککۆمار کە کوردە و پارێزەری دەستورە پێویست بوو ئەو کۆبوونەوەیە لەگەڵ بەرپرسانی هەرێم ئەنجامبدات،  گرنگییەکی زۆری دەبێت بۆ یەکدەنگی و یەکهەڵوێستی کورد لەو پرسەدا.

.

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل