fbpx
Shadow Shadow

هاوکاتى گەیشتنى ئەردۆگان

کوردانى ئەمریکا دژ بە داگیرکارییەکانى تورکیا لە بەردەم کۆشکى سپی خۆپیشاندانیان سازکردووە

22:09 چوار شه‌ممه‌ 13 تشرینی دووه‌م 2019
article image

ناس کورد-

ئەردۆگان گەیشتە کۆشکى سپیی ئەمریکا، هاوکات کوردانى دانیشتوى ئەو وڵاتەش لە بەردەم کۆشکى سپى خۆپیشاندانیان سازکردووە و دروشم دژى داگیرکارییەکانى تورکیا بۆ سەر ڕۆژئاواى کوردستان دەڵێنەوە.

,

یەکێک لە خۆپیشاندەرانى بەردەم کۆشکى سپی ئەوەى بۆ ناس کورد ئاشکراکرد: “لە کاتژمێر 12ى نیوەڕۆ بەکاتى ئەمریکا، کوردانى ئێرە بەتایبەت کوردانى واشنتن و شارەکانى نزیکى، لە بەردەم کۆشکى سپین بۆ ئەوەى ناڕەزایی دژ بە ئەردۆگان دەربڕین، ئێستاش کە ئەردۆگان گەیشتوەتە ئێرە ئێمە دەستمان بە چالاکییەکانمان کردووە و سەرەکۆنەى هێرشەکانى تورکیا دەکەین بۆ سەر ڕۆژئاوا”.

,

لەبارەى دروشمەکانى خۆپیشاندانەکەیان ئەوەى خستەڕو، “ئەردۆگان تیرۆریست، ئەردۆگان منداڵ کوژ، تورکیا بڕۆ درەوە لە ڕۆژئاوا”، دیارترین دروشمیانن.

,

ئەو بەشدارەى خۆپیشاندانەکەى بەردەم کۆشکى سپی کە کوردى باشورە، ئەوەشى خستەڕو، بڕیارە ئەو کوردانە لە بەردەم کۆشکى سپی بەردەوام بن لە ناڕەزایەتییەکانیان تا ئەو کاتەى ئەردۆگان لەوێ دەمێنێتەوە، دواتریش بەنیازن بچنە بەردەم باڵوێزخانەى تورکیا لەو وڵاتە.

,

لەگەڵ گەیشتنى ئەردۆگان، سەرۆککۆمارى تورکیا بە کۆشکى سپی و لەکاتى پێشوازیکردن لێی دۆناڵد ترەمپ، سەرۆکى ئەمریکا وتى: “ئاگربەست لە سوریا بەشێوەیەکى باش بەڕێوەچوە، پەیوەندیمان لەگەڵ تورکیا زۆر باشە و قسەشمان لەگەڵ کوردانى سوریا کردووە ڕازین بەو ئاگربەستە و ڕاگرتنى شەڕ لە سوریا”.

کوردانى ئەمریکا دژ بە داگیرکارییەکانى تورکیا لە بەردەم کۆشکى سپی خۆپیشاندانیان سازکردووە کوردانى ئەمریکا دژ بە داگیرکارییەکانى تورکیا لە بەردەم کۆشکى سپی خۆپیشاندانیان سازکردووە کوردانى ئەمریکا دژ بە داگیرکارییەکانى تورکیا لە بەردەم کۆشکى سپی خۆپیشاندانیان سازکردووە

,

,

 

 

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل