fbpx
Shadow Shadow

ڤیدیۆ؛ حاجیانی كورد به‌ره‌و كێوی عه‌ره‌فه‌ به‌رێکه‌وتن

20:41 هه‌ینی 09 ئاب 2019
article image

ناس کورد-

به‌ مه‌به‌ستی به‌جێهێنانی دوایین ڕوکنى فه‌ریزه‌ی حه‌ج، حاجییانی كورد له‌ شاری مەكه‌ به‌ره‌و چیای عه‌ره‌فه‌ به‌ڕێكه‌وتن، سبەینێ شەممە 10ی ئابی 2019 مه‌راسیمی وه‌ستان له‌سه‌ر كێوی عه‌ره‌فه‌ ئه‌نجام دەدەن.

.

بەگوێره‌ی گرته‌یه‌كی ڤیدیۆی کە تیمی ڕاگه‌یاندنی وه‌زاره‌تی ئه‌وقاف بڵاویانکردووەتەوە كه‌ یاوه‌ری حاجییانی کوردستان ده‌كه‌ن، حاجییان باس له‌ رێكاره‌كانی وه‌زاره‌تی ئه‌وقاف و به‌ڕێوه‌به‌رایه‌تی حه‌ج و عه‌مره‌ ده‌كه‌ن.

.

لەلایەکی دیکەوە سبەینێ شەممە کە 10ی ئابی 2019ە، زیاتر لە دوو ملیۆن حاجی کە لە سەرجەم وڵاتانی‌ جیهانەوە ڕویان لە سعودیە کردووە، مەراسیمی وەستان لەسەر کێوی عەرەفە بەجێدەهێنن کە گەورەترین ڕوکنی‌ حەجە.

.

پاش سەردانی‌ کێوی‌ عەرەفە و وەستانیان لەو شوێنە، حاجیان بەرەو موزدەلیفە دەڕۆن کە بە”نەفرە” ناسراوە، لەیەکەم رۆژی‌ جەژنی‌ قوربانیشدا قوربانی‌ دەکەن و ڕوکنی‌ بەردبارانکردن بەجێدەهێنن.

.

هەر لە یەکەم ڕۆژی‌ جەژنی قورباندا حاجییان بەدەوری‌ کەعبەدا دەسوڕێنەوە، پاشان دەڕۆن بۆ سەفا و مەڕوە.

.

فەریزەی‌ حەج یەکێکە لە پایەکانی‌ ئاینی‌ ئیسلام و موسڵمانان بۆئەو کەسانەی‌ توانایان هەیە لەسەریان پێویستکراوە بەجێیبهێنن، لەئێستاشدا لە ناوچە جیاوازەکانی‌ دونیاوە بە هەزاران حاجی‌ گەیشتوونەتە مەککە بۆ بەجێگەیاندنی فەریزەی‌ حەجی ئەمساڵ.

.

ئەمساڵ زیاتر لە دوو ملیۆن کەس لەسەر ئاستی‌ جیهان و زیاتر لە حەوت هەزار کەس لە هەرێمی کوردستانەوە بۆ بەجێهێنانی فەریزەی حەج سەردانی سعودیەیان کردووە، کە  دوو هەزار و 910 کەسیان لە سنوری پارێزگاکانی سلێمانی و هەڵەبجەن و لە فڕۆکەخانەی سلێمانییەوە چونەتە سعودیە.

.

.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل