fbpx
Shadow Shadow

ژمارەیەک لە ئەندامى کۆنگرێسى ئەمریکا داواى سەپاندنى سزا بەسەر تورکیادا دەکەن

22:15 هه‌ینی 12 ته‌موز 2019
article image

ناس کورد-

ژمارەیەک لە ئەندامى کۆنگریسى ئەمریکا لە هەردوو پارتى  دیموکرات و کۆمارى، داوا لە دۆناڵد ترەمپ، سەرۆکى ئەمریکا دەکەن، سزا بەسەر تورکیادا بسەپێنێت.

.

ئەو ئەندامانەى کۆنگرێسى ئەمریکا، لەو بڕوایەدان، ئەردۆگان هاوبەشییەکى مەترسیدارى لەگەڵ پووتین هەڵبژاردووە.

.

داواکارى ئەو ئەندامانەى کۆنگرێسى ئەمریکا لە کاتێکدایە کە ئه‌مڕۆ هه‌ینى 12ی ته‌مموزی 2019، وه‌زاره‌تى بەرگری توركیا ئاشكراى كرد، یه‌كه‌م كاروانى به‌شه‌كانى سیستمى به‌رگرى ئێس 400ى ڕووسى گه‌یشتونه‌ته‌ توركیا و له‌چه‌ند ڕۆژى داهاتوتریشدا هه‌موو به‌شه‌كانى تریشى ده‌گه‌ن، به‌وه‌ش ده‌توانن به‌ته‌واوى سیستمه‌كه‌ جێگر بكه‌ن.

.

میدیاکانی تورکیا بە شێوەیەکی ڕاستەوخۆ دیمەنی گەیشتنی سیستمەکەیان گواستەوە، کە لە ڕێگەی چەند فڕۆکەیەکی بارهەڵگرەوە بۆ ئەنقەرە گوازرایەوە.

.

به‌پێی رێككه‌وتنی نێوان رووسیا و توركیا، له‌ قۆناخی یه‌كه‌مدا سیسته‌مه‌كه‌ راده‌ست ده‌كرێت و له‌ ئه‌نقه‌ره‌ی پایته‌خت و له‌ چەند ناوچەیەکی باكووری كوردستان جێگیر ده‌كرێت.

.

هاوکات پسپۆڕە ڕووسەکان بۆ ماوەی چەند هەفتەیەک لە تورکیا دەمێننەوە تا سیستمەکە بە تەواوی جێگیری دەکرێت.

.

پیشتر ئەمریکا چەند جارێک هۆشداری بە تورکیاداوە کە لە کڕینی سیستمەکە پاشگەز بێتەوە بە پێچەوانەوە سزا دەدرێت.

.

لەگەڵ ئەوەشدا مانگى ڕابردوو كۆنگرێسى ئه‌مریكا بڕیارى سه‌پاندنى سزاى قورسى به‌سه‌ر توركیادا په‌سه‌ند كرد و داواشى له‌تڕه‌مپ كرد سزاى توند به‌سه‌ر توركیادا بسه‌پێنیت ئەگەر له ‌كڕینى سیستمى ئێس 400 ى ڕووسى پاشگه‌ز نه‌بێته‌وه‌.

.

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل