fbpx
Shadow Shadow

ژماره‌یه‌ك له‌ رێكخراو هۆشداری ده‌ده‌ن “ده‌ستبردن بۆ موچه‌ی شه‌هیدان هێڵی سوره‌”

13:04 سێ شه‌ممه‌ 14 كانونی دووه‌م 2020
article image

ناس كورد-

ژماره‌یه‌ك له‌ رێكخراوی كۆمه‌ڵگه‌ی مه‌ده‌نی له‌ هه‌رێمی كوردستان راگه‌یه‌ندراوێكی هاوبه‌شیان بڵاوكرده‌وه‌ و تیایدا ده‌ستبردن بۆ موچه‌ی شه‌هیدان و كه‌سوكاری ئه‌نفالكراوان له‌ژێر هه‌ر ناونیشانێك به‌ هیڵی سور ناوده‌به‌ن.

.

له‌راگه‌یه‌ندراوه‌ هاوبه‌شه‌كه‌ی ئه‌و رێكخراوانه‌دا تێبینی له‌باره‌ی مادده‌ی دووه‌م و خاڵی سییه‌می به‌شی دووه‌می یاسای چاكسازی خراوه‌ته‌ ڕوو كه‌ تیایدا هاتووه‌ “لە کاتی مردن یان بڕینی مافی دارایی سەرجەم میراتگرانی شەهیدان یان ئەنفالکراوان و قوربانیانی جینۆساید کە بۆ لەمەودوا بە گوێرەی یاسای خانەنیشینی بەرکار ئەو میراتگریە دەستنیشان دەکرێت، ئەو مافە داراییە کۆتایی پێدیت و ناگوازرێتەوە بۆ کەسانی دیکە”.

 

.

به‌گوێره‌ی راگه‌یه‌ندراوی رێكخراوه‌كان “ئەو ماددەیە پێچەوانەی یاسای ژمارە(٩)ى ماف و ئیمتیازی کەسوکاری شەهیدان و ئەنفالکراونه‌ کە لە ساڵی 2007 دەرچووە  و یاسای هەموراکراوی ژمارە(7)ى ساڵی 2013 یە، وە بە جێبەجێکردنی هەزاران خێزان لە کەسوکاری شەهیدان و ئەنفالکراوان مووچەکانیان دەبڕدرێت”.

.

راگه‌یه‌ندراوه‌كه‌ داوا ده‌كه‌ن پەرلەمانی کوردستان یاسای ئیمتیازی شەهیدان تێکەڵی پرسی چاکسازی نەکات و  نابێت ئەو بڕگەیە لە یاسای چاکسازی دەنگی بۆ بدرێت.

.

هۆشداریش ده‌ده‌ن “بڕینی موچەی شەهیدان و ئەنفالکراوان لای ئێمە هێڵی سورە و قبوڵی ناکەین”.

.

ناوی ئه‌و رێكخراوانه‌ی كه‌ واژۆیان له‌سه‌ر راگه‌یه‌ندراوه‌كه‌ كردووه‌:

.

1-رێكخراوی منداڵە ونبووەكانی هەڵەبجە

2-  كوردستان بێجینۆساید

3- رێكخراوی چیرۆكەكانی ئەنفال

4-تۆڕی هاوپەیمانی رێكخراوە كوردستانییەكان بۆ دادگای تاوانی نێودەوڵەتی

5-  تۆڕی ئایكان بۆ نەهێشتنی چەكی ناوكی

6- رێكخراوی قەدەغەكردنی چەكی كۆكوژ

7- هەڵمەتی دادپەروەری

8- رێكخراوی چاودێری كوردۆساید- چاك  كوردستان

9- رێكخراوی مانەوە بۆ شەهید و ئەنفال

10-رێكخراوی چاوی ئەنفال

11-رێكخراوی چواردەی چوار

12-رێكخراوی شەهیدانی سەنگەر

13- رێكخراوی ناسنامە

14-كۆمەڵەی داكۆكی كار لە پرسی ئەنفال

15-رێكخراوی زیندانیانی ئەنفال لە گەرمیان

16-رێكخراوی كازی بۆ پرسی جینوسایدی كورد

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل