Shadow Shadow

ڕەوتى حیکمە: هەڵوەشاندنەوەى حەشدى شەعبى واتا هەڵوەشاندنەوەى حکومەت

09:43 یه‌ك شه‌ممه‌ 01 ئه‌یلول 2019
article image

ناس کورد-

پەرلەمانتارێکى ڕەوتى حیکمە ڕایگەیاند، هەر هەوڵێک لەلایەن حکومەتى عێراق و ئەمریکاوە بۆ هەڵوەشاندنەوەى حەشدى شەعبى خۆکوژى سیاسییە و دەشبێتە هۆى هەڵوەشاندنەوەى حکومەت.

,

ئەسعەد مەرشدى، پەرلەمانتارى ڕەوتى حیکمە لە لێدوانێکى ڕۆژنامەوانیدا ڕایگەیاندووە: “حەشدى شەعبى دامەزراوەیەکى ئەمنییە و بەشێکە لە سیستمى سەربازى عێراق، پشتیوانى هەموو سیمبولە ئاینى و نیشتیمانییەکانى وڵاتەکەشی بەدەستهێناوە”.

,

ئەو پەرلەمانتارەى ڕوتى حیکە ئاماژەى بۆ ئەوەش کردووە، بەهۆى ئەوەى حەشدى شەعبى فەتواى مەرجەعى باڵاى هەیە و بەشدارى شەڕەکانى دژى داعشى کردووە و چەندین شەهید و قوربانیداوە، بۆیە ئەمریکا و حکومەتى عێراقیش ناتوانن ئەو کارە بکەن.

,

مەرشەدى هەڕەشەیى توند دەکات و دەڵێت، گەر حکومەت بیر لەهەنگاوێکى لەو شێوەیە بکات لەسەر خواستى ئەمریکا، ئەوا لەڕوى سیاسییەوە خۆى دەکوژێت، بەدەستەکانى خۆى خۆى هەڵدەوەشێنێتەوە.

,

ئەو وتانەى ئەندامەکەى ڕەوتى حیکمە دواى ئەوە دێت، هەفتەى ڕابردوو بەرپرسێکى باڵاى عێراق ڕایگەیاند، زانیارى ئەوەی هەیە کە ئەمریکا پلانى بۆ هەڵوەشاندنەوەى حەشدى شەعبى داناوە.

,

,

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل