fbpx
Shadow Shadow

ڕێکخراوێکی ئەمریکی نزیکەى حەوت ملیۆن دۆلار بۆ کەمینەکان لە هەولێر تەرخاندەکات

20:51 یه‌ك شه‌ممه‌ 22 ئه‌یلول 2019
article image

ناس کورد-

ئاژانسی ئەمریکی بۆ پەرەپێدانی نێودەوڵەتی، بڕى شەش ملیۆن و 800 هەزار دۆلارى تەرخان کردووە، بۆ پاڵپشتی ئەو دامەزراوانەی کە داکۆکی لە کەمینەکان دەکەن لە پارێزگای هەولێر.

,

ئەمڕۆ یەکشەممە 22ى ئەیلول، ئاژانسی ئەمریکی بۆ پەرەپێدانی نێودەوڵەتی، ڕایگەیاند: “بڕى شەش ملیۆن و 800 هەزار دۆلارى تەرخانکردووە بۆ ‘دامەزراوەی خزمەتگوزاری بەهاناوەچوونی کاسۆلیک’ لە پارێزگای هەولێر، ئەوەش بەمەبەستی داکۆکیکردن لەو کەمینە نەتەوەیی و ئاینییەکان کە بەهۆی ڕێکخراوی داعشەوە دووچاری قڕکردن بوونەتەوە”.

,

ئاژانسە ئەمریکییەکە ئاماژەی بەوەشکردووە، ئەو پارەیەی کە تەرخانکراوە، دەبێتە ئامرازێکی باش بۆ دابینکردنی پێداویستییەکانی ئەو خێزانانەی کە بەهۆى داعشەوە دەربەدەربوون، لەهەمانکاتیشدا هۆکارێکە بۆ کەمکردنەوەی فشارەکانی ژیان لە کاتی گەڕانەوەیان بۆ زێدی ڕەسەنی خۆیان.

,

لە هەرێمى کوردستان لەپاڵ ئاینى ئیسلام و نەتەوەى کورد، چەندین کەمینە و پێکهاتەى ئاینى و نەتەوەیى جیاواز بوونیان هەیە، کە پێکدێن لە ئێزدى، مەسیحی، زەردەشتى، کلدانى و ئاشورى و چەندین نەتەوە و ئاینى جیاوازى دیکە.

,

,

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل