fbpx
Shadow Shadow

ڕۆژهەڵاتی كوردستان؛ ئامارى هەفتەیەکى پێشێلکارى هێزە ئەمنیەکان بڵاوکرایەوە

17:11 شه‌ممه‌ 26 تشرینی یه‌كه‌م 2019
article image

ناس کورد –

رێكخراوێكی مافی مرۆڤ لە رۆژهەڵاتى کوردستان، ئاماری پێشێلكارییەكان لە ڕۆژهەڵاتی كوردستان لەماوەى هەفتەى رابردوو بڵاوکردەوە و تیایدا ئاماژە بەوە کراوە “لەماوەى یەک هەفتەدا 46 حاڵەتى پێشێلکارى تۆمارکراوە”.

.

ئەمڕۆ(شەممە،26ی تشرینی یەکەمی 2019)، ڕێكخراوی مافی مرۆڤی هەنگاو لەڕێگەی بڵاوکردنەوەی راپۆرتێكەوە ئاماری پێشێلكارییەكانی هێزە ئەمنییەکانی ئێرانی لە هەفتەی ڕابردوودا ئاشكرا کرد و ڕایگەیاند:”لە ماوەی هەفتەی ڕابردوودا نزیکەی 46 حاڵەتی پێشێلكاری مافەكانی مرۆڤ لە رۆژئاواى كوردستان تۆمار كراوە”.

.

رێكخراوەكە، روونیدەکاتەوە :”بە پشتبەستن بە ئاماری تۆماركراو لە ناوەندی ئاماری ڕێكخراوی مافی مرۆڤی هەنگاو، لەماوەی هەفتەی رابردوودا، لانیكەم 46 حاڵەتى پێشلكاری مافەكانی مرۆڤ لە كوردستان تۆمار كراوە”.

.

پێشێلكارییەكان بەم شێوەی خوارەوەیە:

.

كۆڵبەران (9حاڵەت)

.

لەماوەی هەفتەی ڕابردوودا سێ كۆڵبەر و كاسبكار لە سنوورەكانی (پاوە جوانڕۆ و سەردەشت) بە تەقەی هێزە چەكدارەكانی ئێران كوژراوون و 6 كۆڵبەریش لە سنوورەكانی (سەوڵاوا، ئورمیە، پیرانشار و پاوە) بریندار بوون.

.

دەستبەسەركردن و سەپاندنی سزا (27حاڵەت)

.

بە پشتبەستن بەئامارەكانی هەنگاو، لەماوەی هەفتەی ڕابردوودا 12 هاووڵاتی كورد لەلایەن ناوەندە ئەمنییەكانی حكومەتی ئێرانەوە بە تۆمەتی چالاكی سیاسی، مەزهەبی و مەدەنییەوە دەستبەسەر كراوون.

.

هەروەها، 14 هاووڵاتیی كورد بە تۆمەتی چالاكی سیاسی و مەدەنی و مەزهەبی حوكمی 214 ساڵ و 4 مانگ بەندكردنیان بەسەردا سەپاوە و هاووڵاتییەك حوكمی دووجار لەسێدارەدانی بەسەردا سەپاوە.

.

خۆكوشتن و كوژرانی ژنان (9حاڵەت)

.

لە هەفتەی ڕابردوودا لانیكەم 7كەس لە شارەكانی كوردستان كۆتاییان بە ژیانی خۆیان هێناوە كە پێنج كەسیان ژن بووە و 4 كەسیان تەمەنیان ژێر18 ساڵ بووە.

.

هەروەها دوو ژن لە شارەكانی كرماشان و سەقز بە دەستی خزم و كەسوكاری خۆیان كوژراوون.

.

كرێكاری (1حاڵەت)

.

لەو ماوەیەدا كرێكارێكی خەڵكی شاری ئورمیە لە كاتی كار و بە هۆی ڕووداوی كارەوە گیانیان لە دەستداوە.

.

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل