fbpx
Shadow Shadow

ڕۆژئاوای کوردستان: هێشتا گفتوگۆی ڕاستەخۆمان لەگەڵ دیمەشق دەستپێنەکردوە

14:48 پێنج شه‌ممه‌ 09 كانونی دووه‌م 2020
article image

ناس کورد –

بەرپرسێكی باڵای ئیدارەی خۆسەری ڕۆژئاوای کوردستان ڕەتیكرده‌وه‌ گفتوگۆکانیان لەباره‌ی چارەنوسیان لەگەڵ بەرپرسانی دیمەشق باسکردبێت.

.

 

ئەمڕۆ (پێنجشەممە، 9ی کانونی دووەمی 2020)، چیا کورد، جێگری هاوسەرۆکایەتی ئەنجومەنی جێبەجێکردنی به‌ڕێوه‌به‌رایه‌تی خۆسەری دیموکراتی ئیدارەی باکور و ڕۆژهەڵاتی سوریا بە ئاژانسی هاوار نیوزی ڕاگەیاند: “هەرچەندە وەکو لایەنی سێیەم لە هەوڵەکانی بۆ گفتوگۆی نێوان ئەوان و دیمەشق بەردەوامە، بەڵام تائیستا پڕۆسەی گفتوگۆی راستەخۆ لە نێوانماندا دەستیپێنەکردوە”.

.

چیا کورد ئاماژەی بەوەدا: “لەسەرەتای هێرشەکانی سوپای تورکیا بۆ سەر ناوچەکانی باکوری سوریا گفتوگۆ لە نێوان ئێمە و مۆسکۆ لەلایەک و مۆسکۆ و دیمەشق لەلایەکی دیکەوە بونی هەیە، لەو چوارچێوەیەشدا ژمارەیەک بابەت و دۆسیە تاوتوێ کراون”.

.

ئەو بەرپرسەی ڕۆژئاوای کوردستان وتی: “تا ئێستا هەوڵەکانی ڕوسیا بۆ ڕەخساندنی زەمینەیەکی لەبار بۆ گفتوگۆی سیاسی نێوان ئیدارەی خۆسەری و دیمەشق بەردەوامن، بەڵام هێشتا ئەو هەوڵانە نەگەیشتونەتە ئاستی دەستپێکردنی گفتوگۆی راستەوخۆ لەنێوان ئێمە و سوریا”.

.

لێدوانه‌كه‌ دوای ئه‌وه‌ دێت كه‌ لە چەند رۆژی ڕابردودا ژمارەیەک میدیای عەرەبی و ناوخۆیی بڵاویانکردەوە مۆسکۆ پڕۆژەیەکی دە خاڵی بنەڕەتی بۆ گەرەنتیکردن و دەستپێکردنی گفتوگۆ لە نێوان دیمەشق و ئیدارەی باکوری سوریادا ئامادەکردوە.

.

پێشتریش ئیدارەی خۆسەری باکور و ڕۆژهەڵاتی سوریا ڕایگەیاند :”مەرجیان بۆ ڕێککەوتن لەگەڵ حکومەتی سوریا ئەوەیە کە دیمەشق دان بنێت بە دەسەڵاتی ئۆتۆنۆمی بۆ گەلانی باکوری سوریا ئەوەش بەلای حکومەتی سوریاوە رەتکراوەتەوە”.

.

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل