Shadow Shadow

ڕوانگە: چارەنوسی 600 زیندانی كوردی خەڵکی عەفرین نادیارە

23:03 شه‌ممه‌ 18 ئایار 2019
article image

ناس كورد –

ڕوانگەی سوری ئاشكرایكرد، دەزگای هەواڵگریی توركیا و گروپە ئۆپۆزسیۆنەکانى سوریای هاوپەیمانی تورکیا زیاتر لە 600 دەستگیركراوی كوردیان کە دانیشتوانی عەفرین بوون گواستووەتەوە.

ڕوانگەی سوری بۆ مافەكانی مرۆڤ دەشڵێت، “600 زیندانی کوردی خەڵکی عەفرین لە بەندینخانەی سەجو (مەعسەڕە) كە دەكەوێتە ناوچەی عەعزازی باكوری حەلەب گوازراونەتەوە بۆ شوێنێکى نادیار، پڕۆسەى گواستنەوەکە هەفتەى ڕابردوو بە چەند قۆناغێک ئەنجامدراوە.”

سەرچاوەكەی ڕوانگەكە جەختی لەوەشكردبووە، ” دۆخی تەندروستی بەشێكی زۆری بەندكراوان لە ئاستێكی خراپدابووە بەهۆی ئەشكەنجە و ئەو باوبانگە خراپەى کە بەندینخانەی مەعسەڕە هەیەتی بۆ سەر ژیانی بەندكراوانی.”

هەر بە گویرەی سەرچاوەكەی ڕوانگەی سوری بۆ مافەكانی مرۆڤ، “هەندێک لە دەستگیركراوان گواستراونەتەوە بۆ بەندینخانەكانی توركیا و تۆمەتی ئەوەیان دراوەتە پاڵ كە ئەندامن لە کانتۆنی پێشوی عەفریندا.”

دەشڵێت، “چارەنوسی سەرجەمیان نادیارە و سەردانیكردنیان ئەستەمە و دەبێت بڕێکی زۆر پارە بدرێت بە دەزگای هەواڵگریی توركیا و گروپە چەكداری سورییەكانی سەر بە توركیا تاوەکو کەسوکاریان سەردانیان بکەن یان سۆراخیان بزانن.”

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل