fbpx
Shadow Shadow

ژماره‌یه‌ك له‌و چه‌كدارانه‌ كوژراون

 ڕوانگەی سوری: توركیا هه‌زاران چه‌كداری له‌ سوریاوه‌ گواستۆته‌وه‌ بۆ شه‌ڕی لیبیا

23:30 هه‌ینی 17 كانونی دووه‌م 2020
article image

ناس کورد-

ڕوانگەی سوری بۆ مافەكانی مرۆڤ رایگه‌یاند، توركیا هه‌تا ئێستا به‌ هه‌زاران چه‌كداری له‌ باكوری سوریاوه‌ ناردۆته‌ لیبیا به‌مه‌به‌ستی به‌ره‌نگاربوونه‌وه‌ی هێزه‌كانی سوپای نیشتیمانی لیبیا.

.

ئه‌مڕۆ (هه‌ینی) روانگه‌ی سوری بۆ مافه‌كانی مرۆڤ له‌ راگه‌یه‌ندراوێكدا ئاماژه‌ی به‌وه‌ كرد لە ئێستادا سێ هەزار و 250 چەكداری نزیك لە توركیا كە لە باكوری سوریادا بوون، گوازراونه‌ته‌وه‌ لیبیا بە مەبەستی  بەرەنگاربوونەوەی هێزە کانی سوپای نیشتیمانی لیبیا بە سەرکرادیەتی خەلیفە حەفتەر”.

.

ئاماژەی  بەوەشکرد، داتاکان ئەوە دەخه‌نەڕوو، لە ئاکامی شەڕەکاندا لەو وڵاتە 19 لەو چەكدارە سوریانەی لەلایەن توركیاوە نێردراون  لەسەر دەستی سوپای نیشتیمانی لیبیا كوژراوون.

.

ڕوانگەی سوری ئەوەشی خستووەتە ڕوو”لەماوەی چەند ڕۆژی ڕابردودا زیاتر لە پێنج لەو چەكدارە بەكرێگیراوانەی توركیا لە تەرابلس كوژراون لاشەی هەندێكیان گەڕێندراوەتەوە ناوچەكانی حەلەب، بەوەش ژمارەی ئەو چەكدارە كوژراوانەی نزیك لە توركیا كە له‌ لیبیا کوژراون گەیشتوەتە 19 چەكدار”.

.

بەگوێرەی ڕاگەیاندراوەکەی ڕوانگەی سوری، تورکیا بە شێوەیەکی مەترسیدار و فراوان دەستی داوەتە بەسەربازگرتنی چەکدارە سورییەکان بەتایبەتی لە ناوچەکانی عەفرین ئەو ناوچانەی کە کەوتوونەتە به‌ر شاڵاوی لەشکرکێشییەکەی تورکیا.

.

ڕوانگەی سوری، رونیكردۆته‌وه‌ “سەرەتا و لە هەنگاوی یەكەمدا تورکیا هەزار و 750 چەكداری ئۆپۆزسیۆنی سوریا ڕەوانەی  لیبیا کردووە، دواتریش هەزار و 500 چەكداری دیكە نێرداونەتە سەربازگەكانی توركیا بە مەبەستی ئەنجامدانی مەشق و ڕاهێنان بۆ ئەوەی بەشداری لە شەڕەکاندا بکەن”.

.

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل