fbpx
Shadow Shadow

"لەهەمو خۆشی و ناخۆشییەکاندا لەگەڵ هەڵسوڕاو و گۆڕانخوازاندا دەبین"

چیا و نما نەوشیروان : لەسەر رێبازى باوکمان بەردەوامدەبین  

22:08 پێنج شه‌ممه‌ 25 ته‌موز 2019
article image

ناس کورد-

 

چیا و نما کوڕانى نەوشیروان مستەفا، سیاسەتمەدارى دیارى کورد و رێکخەرى کۆچکردووى بزوتنەوەى گۆڕان، راگەیەندراوێکى هاوبەشیان بڵاوکردەوە و جەخت لەسەر بەردەوامبوونیان لەسەر رێبازەکەى باوکیان، دەکەنەوە.

.

راگەیەندراوە هاوبەشەکەى چیا و نما نەوشیروان، بەبۆنەى ساڵڕۆژى دامەزراندنى بزوتنەوەى گۆڕان بڵاوکراوەتەوە لەکاتێکدایە کە ئەوان هیچ پۆستێکى حزبییان لەو بزوتنەوەیەدا نییە و بەر لە راگەیەندراوەکەى ئەوان بزوتنەوەى گۆڕان راگەیەندراوێکى فەرمى بەو بۆنەیەوە بڵاوکردەوە.

.

لەراگەیەندراوەکەى چیا و نما نەوشیروان، ئاماژە بەوە کراوە، له‌دواى وه‌فاتى نه‌وشیروان مسته‌فا، جارێکی تر هەندێک کەس و لایەن کەوتنە پیلانگێڕی و نانەوەی ئاژاوە و دەستێوەردان لە بزوتنەوەکە و فاڵی ئەوەیان دەگرتەوە، کە گۆڕان کۆتایی هاتووە و خەڵک متمانەی پێ نادات یاخود دەیانوت گۆڕان دوای هەڵبژاردنی 30 ئەیلولی 2018 هەڵدەوەشێتەوە.

.

ئاماژە بەوەش دەکەن، موئامەرە و پڕوپاگەندە و بوختان و فشاری میدیایی، قەیرانی دارایی و بایکۆت و ساختەکاری و هەڵکوتانە سەر گردەکە، و جێهیشتنى ژماره‌یه‌ك له‌هاوڕێیان له‌نیوه‌ ڕێگا بزوتنەوەی گۆڕان توانی بە ئیرادەیەکی پۆڵاینەوە لەسەر پێی خۆی بووه‌ستێت.

 

.

چیا و نما، بە وتەیەکى نەوشیروان مستەفا کۆتایى بە راگەیەندراوەکەیان هێناوە و ئاماژەیان بەوە کردووە، تا گه‌نجێكى حه‌ماسیى مابێت به‌ئاڵایه‌كى نیلیه‌وه‌ گۆڕانیش ده‌مێنیته‌وه.

.

راگەیەندراوەکە لە کاتێکدایە کە پێشتر بزوتنەوەى گۆڕان بەبۆنەى تێپەڕبوونى 10 ساڵ بەسەر دامەزراندنیدا راگەیەندراوێکى بڵاوکردەوە.

 

لەراگەیەندراوەکەى گۆڕاندا ئاماژە بەوە کرابوو، بزوتنەوەی گۆڕان شێوازی کاری حیزبایەتی و ململانێی چه‌کداری گۆڕی بۆ خه‌باتی مه‌ده‌نی و پەرلەمانی و مۆدێلێکی نوێی حیزبایەتی داهێنا.

.

لەبەشێکى ترى راگەیەندراوەکەدا، جەختکراوەتەوە، بەشداریی گۆڕان لە ئێستا و رابردودا لە حکومەت، له‌ پێناوی چاکسازیدا بووە.

 

.

 

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل