fbpx
Shadow Shadow

سیاسه‌تی

چارەنووسی خۆپیشاندانەکانی عێراق دوای کشانەوەی سەدر

21:06 شه‌ممه‌ 25 كانونی دووه‌م 2020
article image

ناس كورد- هەڤاڵ فەتاح

 

دوای ئەوەی موقتەدا سەدر، بە شێوەیەکی ناڕاستەوخۆ داوای لە لایەنگرانی خۆی کرد ، گۆڕەپانی خۆپیشاندانەکان بەجێبهێڵن، چاودێرانی پێیانوایە سەرباری کشانەوەی لایەنگرانی سەدر، بەڵام خۆپیشاندانەکان کۆتاییان نایەت و زیاتر فراوانتر دەبن.

،

دوێنێ هەینی خۆپیشاندانی ملیۆنی بۆ داواكردنی دەركردنی هێزە بیانیەكان بەتایبەتی هێزەكانی ئەمریكا لە عیراق ئەنجامدرا و ڕەوتی سەدری و كەتیبەكانی حزبوڵڵاش بەشێك بوون لە خۆپیاشندانەكە، بەڵام دوای خۆپیشاندانەکە موقتەدا سەدر داوای “هێوركردنەوە”ی كرد سەبارەت بەدەركردنی هێزە بیانیەكان لە عێراق.

،

لەوبارەیەوە فازیل ئەبو ڕەغیف، شرۆڤەکاری سیاسی عێراقی، تایبەت بە ناس کوردی ڕاگەیاند:” لەو بڕوایەدا نیم کشانەوەی لایەنگرانی ڕەوتی سەدر لە گۆڕەپانی خۆپیشاندانەکان کاریگەری ئەوتۆی هەبێت لەسەر کپبوونەوەی خۆپیشاندانەکان”.

،

وتیشی:” لە ئێستادا خۆپیشاندانەکان کەوتووەتە سەر ڕێچکەی  دروستی خۆی، خۆپیشاندەرانیش سورن لەسەر بەدهێنانی ئامانجەکانیان کە نزیکەی چوار مانگە خەباتی بۆدەکەن و ڕەنگە داواکەی سەدر، داپلۆسینی هێزە ئەمنییەکانی دژ بە خۆپیشاندەران توندتربکات و زیاتر بکەونە وێزەیانەوە، بەڵام ئەوان هەر بەردەوام دەبن”

 

،

وتەکانی ئەو چاودێرە سیاسییە لەکاتێکدایە، ئه‌مڕۆ شەممە  هێزێكی زۆری ئه‌منی له‌و شوێنانەی شاری به‌غدا بڵاوه‌یانپێكراوه‌ كه‌ خۆپیشاندانیان لێ به‌ڕێوه‌ده‌چن و له‌و چوارچێوه‌یه‌شدا هێزه‌ ئه‌منییه‌كان چه‌ندین پرد و شه‌قامی سه‌ره‌كییان له‌و شاره‌ كرده‌وه‌، كه‌ ماوه‌یه‌كی زۆره‌ له‌لایه‌ن خۆپیشانده‌رانه‌وه‌ داخراون، هێزه‌ ئه‌منییه‌كان له‌كاتی كردنه‌وه‌ی ڕێگا سه‌ره‌كییه‌كان و بڵاوه‌پێكردنی خۆپیشانده‌ران، چادره‌كانیشیان له‌سه‌ر شه‌قامه‌كان لابرد و هه‌ندێكیشیان سووتاند.

،

هاوکات بەوهۆیەوە خۆپیشاندانەکان گرژی و ئاڵۆزی لێکەوتەوە و بە گوێرەی زانیاریه‌كان له‌ به‌غدا زیاتر له‌ 20 كه‌س به‌ هۆی ته‌قه‌ و هه‌ڵدانی گازی فرمێسكڕێژ له‌ لایه‌ن هێزه‌ ئه‌منییه‌كانه‌وه‌ برینداركراون و سه‌رچاوه‌ نافه‌رمییه‌كان باس له‌ كوژرانی دوو خۆپیشانده‌ر ده‌كه‌ن له‌و شاره‌،هاوكات له‌ پارێزگای زی قاریش باس له‌ كوژرانی سێ خۆپیشانده‌ر و برینداربوونی زیاتر له‌ 10 خۆپیشانده‌ر ده‌كرێت.

،

لەلایەکی دیکەوە هەر ئەمڕۆ، جانین هینیس بلاسخارت، نوێنه‌ری تایبه‌تی ئه‌مینداری گشتی نه‌ته‌وه‌یه‌كگرتوه‌كان له‌عێراق، لەڕاگەیاندراوێکدا داوای لەهێزه‌ ئه‌منییه‌كان کرد  پارێزگاری له‌خۆپیشانده‌ران بكه‌ن و دوربكه‌ونه‌وه‌ له‌ئه‌نجامدانی توندوتیژی به‌رامبه‌ریان،  جەختیشی کردەوە، دەبێت ڕێز له ‌بۆچوونی ئازادی هاوڵاتیان بگیرێت و پارێزگاری و خزمه‌تگوزاریان بۆ دابین بكرێت، به‌هیچ جۆرێكیش نابێت توندوتیژیان به‌رامبه‌ر ئه‌نجامبدرێت.

،

سەرباری ئەو ڕێکارانەی کە ئەمڕۆ، هێزە ئەمنییەکان گرتییانەبەر دژ بە خۆپیشاندەران لە هەموو پارێزگاکانی عێراق، بەڵام ئەوەی تێبینی دەکرێت، ئاپۆڕای خۆپیشاندانەکان لە سەرتاسەری عێراقدا لە فراوابووندایە و گۆڕەپانی خۆپیشاندانەکانیش جمەیان دێت.

 

،

له‌سه‌رتای مانگی تشرینی یه‌كه‌می ساڵی ڕابردووه‌وه‌ خۆپیشاندانه‌كانی عێراق ده‌ستیانپێكردووه‌ و به‌ هۆی توندوتیژیه‌كانه‌وه‌ نزیكه‌ی 600 كه‌س كوژراون و زیاتر له‌ 17 هه‌زار خۆپیشانده‌ریش برینداربوون.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل