fbpx
Shadow Shadow

پەکەکە داوای لە هێزەکانی هەپەگە و یەژەستار کرد لەناو تورکیادا چالاکیەکانیان دەستپێبکەن

13:06 پێنج شه‌ممه‌ 10 تشرینی یه‌كه‌م 2019
article image

ناس کورد-

کۆمیتەی بەڕێوەبەرایەتی پەکەکە ڕاگەیەندراوێکی لەبارەى هێرشەکانى تورکیا بۆسەر ڕۆژئاوا بڵاوکردەوە و دەڵێت، “لەدژی هێرشە داگیرکەریەکانی تورکیا هەموو ماڵ و کۆڵانێک دەبێتە بڕیارگەیەک و بەرەیەکی شەڕ.”

.

لە ڕاگەیەنراوەکەیدا کە ئەمڕۆ پێنجشەممە، 10ی تشرینی یەکەمی 2019 بڵاویکردووەتەوە، پەکەکە داوای لە هێزەکانی هەپەگە و یەژەستار کردووە لە هەموو شوێنێکی باکوری کوردستان چالاکیەکانیان دەستپێبکەن.

.

پەکەکە ئاماژەى بەوەشکردووە، “لەو بڕوایەداین کورد و عەرەب و هەموو گەلانی باکوری و ڕۆژهەڵاتی سوریا، بە هەموو هێزیانەوە، لە چوارچێوەی بانگی سەفەربەری بەڕێوەبەرایەتی خۆسەری دیموکراتیک ئەرکی پاراستنی مرۆڤایەتی ئازاد لە ئەستۆ دەگرن، ژن و پیاو چەک هەڵدەگرن و دەبن بە شەڕڤان، هەموو ماڵێک دەبێتە بڕیارگە و هەموو کۆڵانێک دەبێتە بەرەی شەڕ.”

.

ڕاشیگەیاندووە، “بەو شێوەیە لەدژی فاشیزمی ئاکەپە-مەهەپەی دڕندە بەرخۆدانێکی سەرکەوتوو پیشان بدرێت، عەقڵییەت و سیاسەتی دەوڵەتی تورکی داگیرکەر لە خاکی ڕۆژئاوا لە گڵ دەنرێت.”

.

دەشڵێت، تورکیا “لە 21مین ساڵیادی پیلانگێڕی نێودەوڵەتی لەدژی عەبدوڵا ئۆجالان و لە 9ی تشرینی یەکەمی 2019 لە دژی ڕۆژئاوای کوردستان لە سەرانسەری سنور بە تانک و تۆپ و فڕۆکە دەستی بە هێرشەکانی کرد.”

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل