fbpx
Shadow Shadow

"لیژنەی یاسایی پەرلەمان پێشێلکاری یاسایی ئەنجامدا"

پەرلەمان پڕۆژە یاسای چاکسازی پەسەندکرد

13:30 پێنج شه‌ممه‌ 16 كانونی دووه‌م 2020
article image

ناس کورد-

به‌وته‌ی به‌شێك له‌ ئه‌ندامانی په‌رله‌مانی كوردستان لیژنەی یاسایی پەرلەمانی کوردستان ژمارەیەک لەو پێشنیازانەی کە پەرلەمانتاران پێشنیازیان کردوە نەیانکردووەتەوە ناو پڕۆژە یاسایی چاکسازی.

.

لەکاتژمێر 11:30 خولەکی ئەمڕۆ، پێنجشەممە، پەرلەمانی کوردستان کۆبونەوەی بۆ پەسەندکردنی پڕۆژە یاسای چاکسازی دەستیپێکرد و به‌ده‌نگی په‌رله‌مانتارانی پارتی و یه‌كێتی و گۆڕان كۆی پڕۆژه‌كه‌ په‌سه‌ندكرا.

.

یەکێک لەو خاڵانەی لەکاتی خوێندنەوەی ماددەکانی پڕۆژە یاسای چاکسازیدا جێگای ڕەخەی بەشێک لە پەرلەمانتاران بوون، ئەوەبو کە بەشێکی زۆر لەو پێشنیازانەی لەلایەن فراکسیۆنەکانی نەوەی نوێ و کۆمەڵ و یەکگرتوو نەخرابوونە ناو ئەو پێشنیازەوە کە بۆ گۆڕانکاری لە پڕۆژەکەدا پێشنیاز کرابوون.

.

هەریەکە لە مەم بورهان قانع و کازم فاروق و مژدە مەحمود لە فراكسیۆنی نەوەی نوێ و شایان عەسکەری لە فراكسیۆنی گۆڕان و چەند پەرلەمانتارێکی گۆڕان ڕەخنەیان لە لیژنەی یاسایی گرت کە چەندین پێشنیازیان نەخراوەتە ناو پێشنیازە پێشکەشکراوەکاندا لەکاتێکدا، کۆی ئەو پێشنیازانەی ئەو پەرلەمانتارانە، پێشکەشیان کردبوو پشتگیری یاسایی هەبووە.

.

یەکێک لەو مادانه‌ی كه‌ گفتوگۆی زۆری له‌باره‌وه‌ كرا بابه‌تی خانه‌نشینكردنی پله‌ باڵاكان بوو، به‌گوێره‌ی ئه‌و ماده‌یه‌  یه‌كه‌م: هه‌رسێ سه‌رۆكایه‌تییه‌كه‌ و جێگره‌كانیان و ئه‌ندامانی په‌رله‌مان و وه‌زیره‌كان و بریكاری وه‌زیره‌كان و ئه‌وانه‌ی به‌ پله‌ی ئه‌وانن و ئه‌وانه‌شی كه‌ موچه‌ی بریكاری وه‌زاره‌ت وه‌رده‌گرن سه‌رۆك و ئه‌ندامانی ئه‌نجومه‌نی پارێزگاكان و هه‌موو ئه‌وانه‌ش كه‌ موچه‌ له‌سه‌ر میلاكی شارستانی و سه‌ربازی وه‌رده‌گرن بۆ ئه‌م كه‌سانه‌ موچه‌ی خانه‌نشینی هه‌ژمارده‌كرێت به‌ رێژه‌ی له‌ %15 له‌كۆی موچه‌ و ده‌رماڵه‌ی ئه‌و كاته‌ی له خزمه‌تدا وه‌ری گرتوه.

.

دووه‌م: وه‌ رێژه‌ی 1،5 ئه‌وه‌ی له‌كاتی خزمه‌تدا وه‌ری گرتووه‌ و ئه‌وه‌ش ده‌خرێته‌ سه‌ر موچه‌ی خانه‌نشینیه‌كه‌ی.

.

هەروەها یەکێکی دیکە لەو ماددانەی پەسەندکراوە ئەوەیە کە بەهیچ شێوەیەک کەمترین موچەی خانەنشینی فەرمانبەران دانەنراوە کە پێشتر پێشنیازکرابو موچەی خانەنشینی 400 بۆ 500 هەزار بێت.

.

بەهۆی نیگه‌رانییان لە پەسەندنه‌کردنی پێشنیازەکانیان و گوێنەگرتن لە داواکارییەکانیان فراکسیۆنەکانی نەوەی نوێ و کۆمەڵ و یەکگرتو هۆڵی کۆبوونەوه‌کەیان بەجێ هێشت.

.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل