fbpx
Shadow Shadow

سیاسه‌تی

پرۆژەیاسای بە هەمیشەییکردنى فەرمانبەرانى گرێبەست بەکوێ گەیشت؟

پەرلەمانی کوردستان لەبارەى ئەو پرۆژەیاسایە کۆدەبێتەوە کە سەرۆکى هەرێم ڕەتى کردەوە

22:32 دوو شه‌ممه‌ 02 کانونی یەکەم 2019
article image

ناس کورد- هۆرڤان ڕەفعەت

بڕیارە سبەى ڕۆژێک بە لە دانیشتنى پەرلەمانى کوردستان، لیژنەی شارەوانی پەرلەمانی کوردستان کۆبوونەوەیەکی تایبەت ئەنجامبدات، بۆ تاووتوێکردنى ئەو پرۆژەیاسایەى کە سەرۆکى هەرێم لەسەر داواى وەزارەتی شارەوانی و گەشتوگوزارى هەرێم ڕەتیکردەوە.

,

سیپان ئامێدی ئەندامی لیژنەی شارەوانی و گەشتوگوزار لە پەرلەمانی کوردستان بە ناس کوردی ڕاگەیاند: “بڕیارە کاتژمێر 11ی پێشنیوەڕۆی سبەی سێشەممە، 3ی کانونی یەکەمی 2019، لیژنەی شارەوانی و گەشتوگوزاری پەرلەمانی کوردستان کۆبوونەوەیەکی تایبەت ئەنجامبدات سەبارەت بە پرۆژەیاسای تاپۆکردنى زه‌وییە زیادەڕەوەکان، کە لەسەر داوای وەزارەتی کشتوکاڵ لەلایەن سەرۆکایەتیی هەرێمەوە پرۆژەیاساکە ڕەتکرایەوە”.

,

لە کارنامەى دانیشتنى ڕۆژى چوارشەممەى پەرلەمانى کوردستاندا هەمان پرۆژەیاسا بە پێداچوونەوەى لیژنەى پەیوەندیدارەوە جارێکى تر دەخرێتەوە بەر باس و دەنگدان.

,

لەلایەکى ترەوە هەرچەندە فەرمانبەرانى گرێبەست لە چاوەڕوانى بە هەمیشەییکردنیاندان، بەڵام لەکارنامەى دانیشتنى داهاتوى پەرلەمان ئەو پرۆژەیاسایە بوونى نییە،  لەوبارەیەوە سیپان ئامێدى وتى: “پەرلەمان ماوەی 15 ڕۆژی دابو بە ئەنجومەنی وەزیران بۆ ئەوەی وەڵامی کۆتاییمان بداتەوە سەبارەت بە دامەزراندنی فەرمانبەرانی گرێبەست، حکومەتیش وەڵامی داوینەتەوە”.

,

لەبارەى وەڵامى حکومەتەوە ئەو پەرلەمانتارە ئاشکرایکرد: “حکومەت هەرێم ڕایگەیاندووە، وەزارەتی دارایی سەرقاڵی وردبینیکردن و لێکۆڵینەوەیە لە ناو و ژمارەی فەرمانبەرانی گرێبەست و دوای ئەوە وەڵامی ئەنجومەنی وەزیران و پەرلەمان دەدەنەوە”.

,

بەگوێرەى ڕاگەیەندراوى سەرۆکایەتى پەرلەمان، ڕۆژی چوارشەممە 4ی کانونی یەکەمی 2019، پەرلەمانی کوردستان کۆدەبێتەوە بۆ تاووتوێکردنی چوار بابەت کە بریتین لە “خستنه‌ڕو و ده‌نگدانە له‌سه‌ر پێداچونه‌وه‌ بە ماده‌ و بڕگەکانی یاسای به‌خاوه‌نكردنى زه‌وییە زیادەڕەوییەکانی سنورى شاره‌وانییه‌كانی هەرێم كه‌ به‌ بڕیارى ژماره‌ (4)ى ساڵی 2019ى سه‌رۆكایه‌تیی هه‌رێمی كوردستان له‌سه‌ر داواى وه‌زاره‌تی شاره‌وانی و گه‌شتوگوزار گه‌ڕاندییەوە په‌رله‌مان”.

,

هەروەها بڕیارە خوێندنه‌وه‌ى یه‌كه‌م بۆ پڕۆژه‌یاسای ماده‌هۆشبه‌ره‌كان و كارتێکەرە عه‌قڵییه‌كان و خوێندنه‌وه‌ى دووه‌م بۆ پێشنیازه‌یاسای ڕیكلامی بازرگانی له‌ هه‌رێم بکرێت.

,

,

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل