fbpx
Shadow Shadow

پەرلەمانی عێراق لەسەر هێرشەکەی ئەمریکا کۆبوونەوەیەکی نائاسایی ئەنجامدەدات

23:14 هه‌ینی 03 كانونی دووه‌م 2020
article image

ناس کورد –

بەهۆی کوژرانی چەند سەرکردەیەکی حەشدی شەعبی و سوپای پاسدارانەوە لە عێراق، بریارە ڕۆژی یەکشەممە پەرلەمانی عێراق کۆبوونەوەیەکی نائاسایی ئەنجام بدات و هەڵوێستی فەرمی پەرلەمان و عێراق لەوبارەیەوە ئاشکرا بکات.

،

لە ڕاگەیەندراوێکدا سەرۆکایەتی پەرلەمانی عێراق  ڕایگەیاند: “بڕیارە ڕۆژی یەک‌شەممە، 5ی کانونی دووەمی 2020،  کاتژمێر 1:00ی پاشنیوەڕۆ پەرلەمانی عێراق کۆبونەوەیەکی نائاسایی ئەنجام بدات”.

،

ئاماژەی بەوەشکردووە، کۆبونەوەکە دەربارەی ئەو هێرش و دەستریژیانەی ئەمریکا دەبێت لە خاکی عێراق و هەڵوێستی فەرمی پەرلەمان و عێراق ئاشکرا دەکرێت بۆ ئەوەی کەرامەت و سەروەری عێراق بپارێزرێت.

،

لە ڕاگەیەندراوەکەدا ئەوەش هاتووە: “هەرچەندە بڕیاربوو کۆبونەوەکە  سبەینێ شەممە ئەنجام بدرێت، بەڵام خراوەتە یەکشەممە چونکە سبەینێ پەرلەمانتاران بەشداری لە مەراسیمی بەخاکسپاردن و پرسەی ئەبو مەهدی موهەندیس و سەرکردەکانی دیکەی حەشدی شەعبی دەکەن”.

،

ئەمە لەکاتێکدایە، بەرەبەیانی ئەمرۆ هەینی 3ی کانونی دووەمی 2020، قاسم سولەیمانی، فەرماندەی فەیلەقی قودسی سەر بە سوپای پاسدارانی ئێران لەگەڵ ئەبو مەهدی موهەندیس، جێگری سەرۆکی دەستەی حەشدی شەعبی و هەشت فەرماندەی پاسداران وحەشد لە بۆردومانێکی فڕۆکە بێ فڕۆکەوانەکانی ئەمریکادا کوژران.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل