fbpx
Shadow Shadow

پەرلەمانتارێک: گەندەڵى و بەهەدەردان هەن لە ڕێککەوتنەکانى نێوان عێراق و چین

11:19 پێنج شه‌ممه‌ 26 ئه‌یلول 2019
article image

ناس کورد-

ئەندامێکى ڕەوتى حیکمە ڕایگەیاندووە، لە ڕێککەوتنەکانى نێوان عێراق و چین “گەندەڵى و بەهەدەرانى پارەى گشتى” هەن.

,

عەلى بەدەیرى، ئەندامى ڕەوتى حیکمە لە پەرلەمانى عێراق لە لێدوانێکى ڕۆژنامەوانیدا ئاشکراى کردووە: “واژووکردنى ڕێککەوتنەکان ڕاستەوخۆ لەلایەن پارێزگارەکانى عێراقەوە، سەر بۆ پرۆسەى بەهەدەردانى پارەى گشتى دەوڵەت دەکێشێت”.

,

ئەو پەرلەمانتارەى فراکسیۆنە ئۆپۆزسیۆنەکەى پەرلەمانى عێراق وتیشی: “ترسى حەقیقی هەیە لەبارەى بوونى گەندەڵى و بەهەدەردان لە ڕێککەوتنەکان کە بەرپرسانى عێراق واژوویان کردوون لە چین، بەتایبەت کە ئێمەى پەرلەمانتاران ئاگادارى ئەو ڕێککەوتنانە نیین”.

,

بەدەیرى داواى لە عەبدولمەهدیش کردووە، سەرجەم هەنگاوەکان و ڕێککەوتنەکان لە چین ئەنجامیداون بۆ ئەنجومەنى نوێنەرانى ڕون بکاتەوە، دەشڵێت: “ئێمە وردبینى بۆ سەرجەم ڕێککەوتنەکان دەکەین و دیراسەیان دەکەین، بەتایبەت مافى خۆمانە کە هەر ڕێککەوتنێک گومانى گەندەڵى و بەهەدەردانى تێدا بێت ڕەتى بکەینەوە”.

,

عادل عەبدولمەهدى سەرۆکوەزیرانى عێراق بە یاوەرى چەند وەزیر و پارێزگارێک کە پارێزگارەکانى هەرێمیشیان تێدا بو، سەردانى چینى کرد، لەو سەردانەشدا چەندین ڕێککەوتن لەنێوان هەردوو وڵاتدا واژوو کران.

,

,

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل