fbpx
Shadow Shadow

پۆمپیۆ پەیامى ئەمریکاى گەیاندە عەبدولمەهدى

23:34 سێ شه‌ممه‌ 12 تشرینی دووه‌م 2019
article image

ناس کورد –

 

مایک پۆمپیۆ پەیوەندییەکى تەلەفۆنى لەگەڵ عادل عەبدولمەهدى ئەنجامدا و داوایلێکرد بەشێوەیەکی ئاشتیانە وەڵامی خۆپیشاندەران بدرێتەوە و توندوتیژیان بەرامبەر نەکرێت.

.

ئەمشەو، سێشەممە، 12ی تشرینی دووەمی 2019، مایک پۆمپیۆ وەزیری دەرەوەی ئەمریکا، پەیوەندییەکی تەلەفۆنی لەگەڵ عادل عەبدولمەهدی سەرۆک وەزیرانی عێراق ئەنجامدا و دوایین گۆڕانکارییەکانی ناوچەکە و دۆخی خۆپیشاندانەکانی عێراق و بەردەوامی بونیان لە روبەڕوبونەوەی ڕێكخراوی داعش تاوتوێکرد.

.

وەزارەتی دەرەوەی ئەمریکا دەربارەی ناوەڕۆکی پەیوەندییە تەلەفۆنییەکە ڕایگەیاند “مایك پۆمپیۆ، بەفەرمی نیگەرانی خۆی سەبارەت بە ژمارەی كوژراوانی خۆپیشاندانەكانی عێراق و بەكارهێنانی هێزی سەركوتكار و چەکى لە دژی خۆپیشاندەران سەركۆنە كردووە، جەختی لەوە كردووەتەوە کە دەبێت خۆپیشاندانەکان ئاشتیانە بن و ببنە بنەمایەكی سەرەكی بۆ سیستەمی دیموكراسی”.

.

ئاماژەی بەوەشداوە “پێویستە هەنگاوی ڕاستەقینە و جدی بنرێت بۆ جێبەجێکردنی داواكارییە ڕەواكانی خۆپیشاندەران، هەروەها پێویستە چاكسازی ڕاستەقینە ئەنجام بدرێت”.

.

پۆمپیۆ جەختیکردووەتەوە، ئەمریكا هەمیشە پابەندە بە پشتگیریكردنی عێراق و بەردەوام دەبێت لە پاڵپشتیکردنی بۆ عێراق بۆ ڕوبەڕوبونەوەی داعش و بۆپاراستنی سەروەری خاكەكەی و بنیاتنانەوەى وڵات، لە چوارچێوەی ڕێكکەوتنی ستراتیژی كە لەنێوان ئەمریكا و عێراق واژۆكراوە.

.

ڕۆژى دوشەممە کۆشکى سپى ئەمریکا داواى ئەنجامدانى هەڵبژاردنى پێشوەختەى کرد لە عێراق، وەک چارەسەرێک بۆ ئەو قەیرانەى بەهۆى خۆپیشاندانەکانەوە سەریهەڵداوە.

.

داواکەى ئەمریکا کاردانەوەى زۆرى بەدواى خۆیدا هێنا و موقتەدا سەدر سەرۆکى رەوتى سەدر ڕایگەیاند، دەستوەردانى ئەمریکا لە کاروبارى عێراق دەبێتە سەرەتاى کۆتایی بوونى ئەو وڵاتە لە عێراق.

 

 

 

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل