fbpx
Shadow Shadow

سیاسه‌تی

پۆلیسی هه‌ولێر ده‌ستگیركردنی باندێكی “گه‌وره‌”ی دزیكردنی راگه‌یاند

15:46 هه‌ینی 31 كانونی دووه‌م 2020
article image

ناس كورد-

به‌ڕێوه‌به‌رایه‌تی پۆلیسی پارێزگای هه‌ولێر راگه‌یه‌ندراوێكی له‌باره‌ی ده‌ستگیركردنی باندێكی گه‌وره‌ی ددزیكردن راگه‌یاند كه‌ له‌ 7 كه‌س پێكهاتوون و چه‌ند ئۆتۆمبێل و موه‌لیده‌یه‌كی گه‌وره‌یان دزی بوو.

.

راگه‌یه‌ندراوه‌كه له‌سه‌ر زاری عه‌مید دلێر نه‌جات، بەڕێوەبەری پۆلیسی پارێزگای هەولێر ئاماژه‌ی به‌وه‌ كرد “شەوی ڕابردوو زانیاری گەیشتە پۆلیس بە بوونی باندێكی گەورەی دزیكردن لە شاری هەولێر، بۆیە پۆلیس دوای لێكۆڵینەوەیەكی ورد، توانی ناسنامەی (7) تۆمەتبار ئاشكرا بكات و دەستگیریان بكات”.

.

دلێر نەجاڕ وتویه‌تی “لە پێناو هەرچی زوتر دەستگیركردنی تۆمەتباراندا، سەرپەرشتی و چاودێریی تیمێكی لێكۆڵینەوەمان كرد، كەوا توانییان لە ماوەیەكی كەمدا و لە ڕێگای كامێرای چاودێرییەوە ئەو ئۆتۆمبێلانە دەستنیشان بكەن كە (3) موه‌لیدەی كارەبایان پێ دزرابوو و توانرا دەست بەسەر ئۆتۆمبێلەكانیشدا بگیرێت”.

.

له‌ راگه‌یه‌ندراوه‌كه‌دا بەڕێوەبەری پۆلیسی پارێزگای هەولێر رونیكردۆته‌وه‌ (3) تۆمەتباری سەرەكی، كە هەڵسابوون بە دزینی مۆلیدەكان، دەستگیر كران و هەروەها ئەو كەسەش قۆڵبەست كرا كە مۆلیدەكانی لەو تۆمەتبارانە كڕیبۆوە، لەگەڵ دەستگیركردنی (3) تۆمەتباری دیكە كە لەو تاوانەوە تێوە گلابوون، بۆیە كۆی گشتیی ئەو تۆمەتبارانەی دەستگیر كراون، (7) تۆمەتبارن.

.

جه‌ختیشی له‌سه‌ر ئه‌وه‌ كرده‌وه‌ “پەڕاوی لێكۆڵینەوەیان بۆ ڕێكخرا و ڕەوانەی دادگای هەولێر كران، بەڕێز دادوەریش بڕیاری دا بە بەندكردنیان بەپێی ماددە (٤٤۳) لە (ی.س.ع)”.

.

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل